أحمد جبريل: هاي الجيش اللبناني كان عون موجود هو اللي كان قائد اللواء الثامن هذا اليوم واجهنا لكن كانت القوات الأميركية موجودة لساتها هناك ما كان لسه خرجت وما صارت ضربات المارينز وهالشيء حتى الجيش الأميركي بدأ يساعد أمين الجميل عارف كيف والقوات اللبنانية بالقصف المدفعي وجاب نيوجيرسي اللي قذيفتها طن والطائرات الأميركية تقصف فينا وشكلنا..

أحمد منصور: كتب عنها بشكل تفصيلي.

أحمد جبريل: شكلنا غرفة عمليات قيادتها الحزب التقدمي الأخ وليد جنبلاط ورفاقه إحنا كفلسطينيين إحنا كنا الجسم الأكبر الفاعل كفلسطينيين وتوكلنا على الله وبدأنا في حربنا وحققنا خلال عشرة أيام وحتى وصلنا إلى سوق الغرب في هالموضوع هون حدثت مفاجأة هذه المفاجأة ما شفنا إلا مساء الأخبار أنا والله ما سمعتها كنا ملتهيين إحنا عاملين كفصائل فلسطينية عامل أنا عندي غرفة عمليات وكل المسؤولين العسكريين مساء عم نجتمع اجتمعنا وإلا بمسؤول يمكن الجبهة الديمقراطية العسكرية اللي هو ممدوح نوفل يا أبو أحمد فؤاد لا أذكر سمعت يا أخ أبو جهاد قلت له شو أبو عمار..

أحمد منصور: أبو عمار في طرابلس.

أحمد جبريل: وصل طرابلس أنا صفنت أنا جايب خطط عمل كيف بدنا نشتغل على نكمل بالأرض صفنت قلت لهم الله يسترنا قالوا لي ليش يا أخي هاي بكل صراحة عم بحكيها ما كانوا الرجال آخذ نفسه على كل اللي عملوا وفشل مع الأميركان إنه يعطوه وتوهم وإلى آخره والآن راجع بده يقاتل معنا قلت لهم والله أنا أتمني من كل قلبي فضينا الاجتماع وإلا تصريح من أبو عمار من طرابلس يقول نحن نضع أنفسنا تحت تصرف الرئيس أمين الجميل والجيش اللبناني الوطني يعني جاي ليكون في مواجهتنا في هذا البرنامج.