يوسف ندا: الأميركية، وزارة المالية هي اللي أعلنت إن يعني الأسباب اللي بيها يعني حاصرتنا وجمدت أموالنا وأصولنا، وليس فقط هذا، يعني من ضمن القرار اللي طالع إن حتى من يساعدنا تصوَّر يعني.. يعني المفروض فيها إن أنا ما أكلش، المفروض إن أنا ما.. ما استطعش ادفع التليفون.

أحمد منصور: مع فرض الحراسة هذه عليك لم يحددوا لك معاش شهري مثلًا أو شيء؟

يوسف ندا: أبدًا.. أبدًا، بالعكس طلبنا 15 ألف فرنك، يعني 7.5 ليَّ و7.5 لغالب رُفض.

أحمد منصور: من.. من أجل ماذا يعني؟

يوسف ندا: عشان نأكل بيهم، رُفض، كتبنا لهم إن هذا عشان نستطيع نعيش بيهم، عشان ما يكفونيش حتى لمدة أسبوع.

أحمد منصور: نُشر إن مجال عملك ممتد في 25 دولة، في كل هذه الدول تم تجميد الأرصدة والأموال؟

يوسف ندا: في كل مكان في الدنيا، يعني حتى المدعي العام قال لي إن إحنا ذهبنا في..

أحمد منصور: أي مدعي عام فيهم؟

يوسف ندا: السويسري، نائب المدعي العام السويسري، وعلى فكرة يعني أنا قبل ما تبدأ أي جولة من جولات التحقيق بيذكروا لي حقوقي وواجباتي، من ضمن.. أو التزاماتي، إذا تحدثت أو طلعت أي شيء أو قلت أي تصريح يؤثر أو يطلع معلومات مما سُئلت عنها أنا معرض لـ6 سنين سجن.

أحمد منصور: وده من الأشياء اللي خلت المفاوضات صعبة بيني وبينك في عملية التسجيل.

يوسف ندا: ومازالت، مش كل شيء هأقوله لك

أحمد منصور: يعني سواء..

يوسف ندا: مش لأني مش عايز أقول، ومش لأني خايف أنا الحمد لله لا أخشى إلا لله، أنا عندي 70 سنة 71.

أحمد منصور: ربنا يديك الصحة.

يوسف ندا: سنة فوق سنة ناقص، لا هتزودني ولا هتنقصني.

أحمد منصور: يعني سنسعى للحصول منك على ما نستطيع من معلومات.

يوسف ندا: بقدر الإمكان في حدود.. في موضوعين، موضوع الإخوان مثلًا، أنا قلت لك قبل كده أنا لست متحدث..

أحمد منصور: هو ده الموضوع الرئيسي.