أحمد ياسين: هذا صحيح أنا بأقول ما بأقولش، لكن الواقع هو هيك، حتى أذكر في توجيهي كان أستاذ بيعمل كتاب جغرافيا يعني جغرافيا للتوجيهي، أنا كنت متخصص قسم جغرافيا في التوجيهي، الأساتذة اللي عاملين كتاب الجغرافيا للتوجيهي إيش بيقولوا فيه؟ بيقولوا وتمتد حدودنا الشمالية من مرسى..

أحمد منصور: مطروح.

أحمد ياسين: ... والسلوم إلى شمالًا إلى رفح.. إلى قطاع غزة، يعني كأنه مش يعرف قطاع غزة هو داخل في مصر ولا مش في مصر.. صحيح يعني!!

فالأصل إنه لازم يكون هذا الشيء واضح تمامًا، إنه هذه أرض أخرى لكنها تحت إدارة.. الإدارة المصرية.

وكان واحد في التاريخ كمان بيكتب كتاب، وبيقول إنه: بلاد الشام -بده يعرف بلاد الشام- فبيقول تحت بلاد الشام هي سوريا والأردن ولبنان وفلسطين وإسرائيل!! فقعدت أضحك.

أحمد منصور: هذا كان في ذلك الوقت في الستينات؟

أحمد ياسين: 58 هذا.. 58.. 58!!

أحمد منصور 58!!

أحمد ياسين: وطبعًا أنا أيامها، ما كنتش عندي ها التفكير الواعي اللي أبعت له رسالة وأقول له ما يصيرش كده، كان لازم أبعت له رسالة وأقول له هذا التفكير مش صحيح يعني مش هيك، والحمد لله إحنا..

أحمد منصور: هل كان هناك من يساعدك في مصر أثناء فترة دراستك؟

أحمد ياسين: الحقيقة لأ، مافيش حد مساعد، أنا كنت بأنزل في العتبة، في فندق.. (العتبة) أظن اسمه، وبأطلع على الجامعة بالترماي أو.. أو..، أو مرات كنت بأمشي نص الطريق يعني عشان أتنشط وبأرجع من الجامعة، مرات باخد تاكسي بأروح الجامعة، والحمد لله كان الجو طيب، وإخواننا المصريون من ألطف الناس في التعامل، حتى مرات كنت بأركب التورلي، الترولي سريع جدًا.. بتاع الكهرباء هذا اللي بيمشي...

أحمد منصور: آه نعم نعم.