أحمد منصور]مقاطعًا[:
التأثير غير المباشر عليكم في الداخل كأناس تعيشون تحت الاحتلال، وترون أن القوة التي من المفترض أن تفك هذا الاحتلال، يعنى .. قد دخلت في صراع مع بعضها ونتج عنها…
أحمد ياسين [مقاطعًا] :
ما هو زي ما قلت لك أنا رفضت الدخول في المنظمة لسبب إني أنا بدي…
أحمد منصور]مقاطعًا[:
يعنى أنت توقعت أن يحدث...
أحمد ياسين:
ليش أنا رفضت الدخول لأني بدي أدخل في صدام مع الدول العربية فأنا بدي أطلع لإسرائيل يدخلوني، يقاتلوني، ومن ظهري الدولة اللي وراني بدها تقتلني لأن مابدهاش تسمح لحدودها تخترق، مش قادرة تواجه إسرائيل فبدها تتخلص مني وإسرائيل تتخلص مني، يعنى داخل في أرضي عدو، وظهري فيه أرض كمان بده يعاديني، لأنه مابدوش، مش قد المواجهة الإسرائيلية هو، فهو بده يصفيني كمان، الحكى عن التصفية في الأردن أمر واقع طبيعي خالص، وكان في الأردن، كمان سوريا لما ضربت في لبنان، كان نفس الانشقاقات اللي صارت في فتح والضرب بين بداو والنهر البارد كلها حاجات طبيعية يعنى، على ذلك…
أحمد منصور]مقاطعًا[:
لكن شيخ أنت بصدق فعلًا كنت تتوقع من خلال المعطيات التي كانت أمامك أن هذا سيحدث بالنسبة لفتح، وأن هذه الانشقاقات والصراعات، وهذا القتل والدمار والتفكك؟
أحمد ياسين:
أنا كنت أتوقع الوجود اللي في الأردن لازم يحصل فيه صدام لأنه ماكانش فيه حكمة في التعامل هناك…
2-إن الأردن مش قد مواجهة إسرائيل، ومش ممكن دولة تسمح بالوجود الفلسطيني اللي بيقاوم إسرائيل إنه يعرض بلدها للخطر، صحيح كانت معركة الكرامة معركة جيدة ونجحت وكذا .. لكن هذه كانت مرحلة في تاريخ الشعب الفلسطيني، وفي تاريخ الأردن كمان، لكن الأردن مش قد مواجهة إسرائيل وهذا مما دعى الأردن إنه يتخذ قرارات…