بغض النظر عن التوقيت.. لماذا لا نعرف هل هذه حقائق أم لا؟ واحد بيقول:أ نا قتلت.. أقول لا ..لا ..هذه هدفها سياسي.
د. مصطفي خليل:
أنا لا أقول ذلك.. لا بد من التحقق من كل شيء.. ما حدش قال ما نعملش نتحقق، ولكن أنا باأقول التوقيت ده ليه؟ الوضع اللي واخداه مصر النهار ده، بيفسر في بعض الجوانب في الولايات المتحدة أو غيرها. إن مصر هي التي بتوحي للفلسطينيين علشان ما يقبلوش ما يعرض عليهم.. كويس؟ الحقيقة مش كده، الاتفاقيات اللي بين إسرائيل وبين الفلسطينيين بتتم دون تشاور مع الجانب المصري، بنحاط علم بيها بعد ذلك، عشان يضرب الدور المصري اللي موجود، واللي كلنا بنصر عليه، ضرورة الاتفاق وحل القضية الفلسطينية بما يقبله الطرفين.. فيه بعض اتفاقيات بتتعمل وبتمضى، وبعدين بنجد أن سيد نيتانياهو جاء قال لا.. أنا مش مرتبط بهذه الاتفاقيات.. لما مصر تطلع وتقول رأيها.. لا لازم ترتبط بهذه الاتفاقيات، يبقى لا بد من تحييد موقف مصر، وده الهدف اللي هو اشتغلوا عليه مدة طويلة الجانب اليميني المتطرف داخل إسرائيل. لأنك لما تقول يعني أنا اللي بيدهشني.. طيب أنا ما باخذش بظاهر الأمور. إيه السبب أن يطلع هذا الوضع في هذا التوقيت بالذات؟
أحمد منصور [مقاطعا] :
واحد ضميره بيؤنبه.. بيعذبه..
د. مصطفي خليل:
واحد ضميره بيؤنبه،.. ويقول الكلام ده..
[تداخل في الحوار ]
أحمد منصور:
نعم، وبدأت لجان تشكل، وبدأت حقائق تطلع.. دي حاجة لازم نبحث عنها يا دكتور، أنتم في الاتفاقيات التي وقعتموها.. إذا الإسرائيليين على جثة طيار إسرائيلي سقطت في حرب أكتوبر دخلوكم في الاتفاقات، سواء في فض الاشتباك أو في غيرها عشان جثة إسرائيلي، احنا عشرات الآلاف من المصريين.. أنتم في الاتفاقات التي وقعتموها لا تبحثون حتى أين فقدوا، ولا أين جثثهم؟ وحضرتك الآن بتقول: إنها مربوطة بسياسات إسرائيلية وتطرف يميني؟
د. مصطفي خليل: