لا.. هو ما قتلش مصري .. احنا النهار ده.. أنت الآن لما بتتكلم، تاخد أنت بتدافع عن القضية الفلسطينية.
أحمد منصور:
عفوا يا دكتور.. أيضا الآن كشفت فضائح كثيرة عن عشرات الآلاف مش عاوز أقول آلاف من الأسرى المصريين، الذين ذبحوا في الحروب التي تمت مع إسرائيل، بما فيها حرب 73.. 67.. 56 وحتى المسؤولين الموجودين الآن في السلطة في إسرائيل، شاركوا في هذه... بما فيها الرئيس الإسرائيلي الآن.
د. مصطفي خليل:
مش حقيقي وأنا سألت لما طلع الكلام ده للرئيس الإسرائيلي قلت له: اتكتب كذا؟، قال: هذا مش حقيقي -على وجه الإطلاق- الكلام اللي اتقال..
أحمد منصور:
هل يقول أنا ذبحت؟ هو أصدر أوامره، وهناك وثائق على ذلك.
د. مصطفي خليل:
لا..لا.. وقال أنا كنت فين وقتها؟ وعملت كذا بأدلة قاطعة.. إنما المهم أنا بدي أعرف ليه اتنشر هذا الكلام في ذلك التوقيت؟
أحمد منصور:
لا.. ولا زال بينشر الآن!! أنا لسه قارئه من أيام قليلة حول هذا الأمر،
د. مصطفي خليل:
وما زال ينشر حتى الآن. لما بتحصل الحروب.. بيحصل فيها أي حاجة، لماذا حصل؟ أنا بصيت لقيت في الصحف الإسرائيلية، طلع واحد جنرال بيقول أنا عملت كذا وكذا.. مش ده اللي حصل؟ وطلع واحد تاني قال، أنا لما رحت إسرائيل بعديها.. مين اللي بيحرك هذه الأمور؟ اللي بيحرك هذه الأمور الطرف اليميني المتطرف..
أحمد منصور:
يعني مش حقائق يا دكتور؟ يعني إحنا عايزين ندفن حقائق في صالحنا نحن؟ الأسر التي تنتظر أسراها ومفقوديها..
د. مصطفي خليل:
لما يقولوا، وأنا ما عنديش دليل إثبات على هذا؟
أحمد منصور:
نفس الشخص بيعترف.. بيقول: أنا فعلت.. أنا قتلت.. أنا ذبحت
د. مصطفى خليل:
أنا لما سألت (وايزمان) وقال: الحقيقة ما حصلش.. أنا ما دخلتش تحقيق، ولا عرفت إذا كان حصل ولا ما حصلش.. ولا أعداد اللي.. التوقيت بتاعها ليه.. يعني إيه؟ أنا أقول لك ليه..؟
أحمد منصور: