د. مصطفى خليل:
ولا زال في الجامعة العربية الآن. وفعلا اللي حصل أن أنا اتصلت بيه، وقلت له: بلغ ياسر عرفات سياسة معينة هتتبعها الحكومة، راح باعث 3 ومعاهم loud speaker ، نزلوا اللي كانوا مستولين على السفارة، قلت له: يسلموا نفسهم للأتراك.. وسلموا روحهم للأتراك، وانقضت الحكاية.. موضوع الرسالة ده أنا ما باعلنوش .. يعني..، وزي ما با أقول لك تماما، وسعيد كمال موجود.. قل له: حصل..؟
أحمد منصور:
أنت أول مرة تعلن الموضوع ده أو أعلنته قبل ذلك؟
د. مصطفي خليل:
لا.. أعلن في مجلس الشعب، بس ما أعلنش بالتفاصيل اللي أنا بأقول عليها.. تفاصيل طبعا.. فيه حاجات ما بنقدرش إن احنا نطرحها.
أحمد منصور:
صحيح..أنا عايز أرجع للخلف شوية، قبل توليك رئاسة الوزراء.
د. مصطفي خليل:
فلما باقول النهار ده: إن الوضع داخل إسرائيل، يجو ويقولوا: طيب.. اتفاقيات التطبيع اللي اتعملت.. اتفاقيات بتسمح بهيمنة الإسرائيليين على الاقتصاد المصري.. آه هو فات عشرين سنة، الهيمنة فين؟
أحمد منصور:
الشعب رافض.. الشعب يقف حائلا دون تطبيق الاتفاقات.
د. مصطفي خليل:
لما نيجي نقول فيه هيمنة..
[تداخل في الكلام]
د. مصطفي خليل [مواصلا] :
سواء قبل أو رضي، يعني هيعمل إيه؟ دي اتصالات خاصة في مختلف نواحي الحياة.
أحمد منصور:
الشعب بيقاطع البضائع الشعب بيقاطع بمجرد أن إسرائيلي أو يسمع إسرائيلي أو كذا، في كل بيت في مصر مكلوم بشهيد أو بأسير أو بمفقود من الحروب التي تمت مع الإسرائيليين..
د. مصطفي خليل:
أيوه بس..
أحمد منصور:
ما يرتكبه الإسرائيليون -يا دكتور- ضد الفلسطينيين لم يتوقف...
د. مصطفى خليل:
طب كيف تتعامل معاه؟
أحمد منصور:
أتعامل معاه بالأسلوب اللي هو بيتعامل معاي بيه، يعني هو يقتلني وأنا أروح أعطيه رقبتي.
د. مصطفي خليل: