فريد عبد الخالق: آه، فهو حب إنه يعني يحرره كداعية وعايز يعني يقدم فكرة من أنه يأخذ شكل معين يصنفه في الناس تحت تصانيف لها عند الناس معاني، يقول لك دا أصله شيخ، أصله من أهل السُنة، أصله كذا، فيقول لك يعني كأني أنا مختلف عنه، واخد بالك؟ فعايز يقول له: خليك قريب من الناس حتى في شكلهم قدر الإمكان، علشان تقلل المسافة وتخلي فرص الاستماع أكثر، يعني أنا.. أنا بأتكلم على.. ولذلك الكلام عن الزي اللي هو شغل.. الشغل الشاغل النهارده فيما يتعلق بما يظهر من المرأة وما لا يظهر، ومن النقاب وكذا.. والكلام القضايا المثارة على مستوى العالم العربي والإسلامي كله، قضية كبيرة قضية الزي دي لم.. ما كنا نسمع عن حكاية قضية الزي دي أبدًا، كل الزي كان عندنا يتخلص فيما لخصه في القرآن من اشتراط ما اشترطه في المجتمع إنه يكون مجتمع فاضل، وما يكونش فيه فتنة وألا ينشغل الناس بما ينشغل به الناس في الغرب اللي هو الجنس والمظهر، فحرص الإسلام، كل اللي قاله فيما يتعلق بالزي أن عايزين الاحتشام و..

أحمد منصور: والحجاب؟

فريد عبد الخالق: وعدم إشاعة يعني الأشياء اللي تسيء إلى الشباب وتشغله بنوازع السوء، يعني دي.. دي في فلسفته، ولذلك إحنا ما كناش نتكلم، زي المرأة دي قضية جديدة، هي أني لا أقلل من شأنها، بس فيه حدود اللي الشرع والقرآن اهتم بها، إن إحنا مطلوب من المرأة، لأن..

أحمد منصور: يعني الالتزام.. الالتزام بما أمر به الله دون الدخول في تفصيلات وتشديدات وأمور.. وأمور..

فريد عبد الخالق: آه، هو كان بعيد عن الغلو وعن التشدد في الشكليات والحرص على المضامين بس.

أحمد منصور [مقاطعًا] : كيف كنتم بتنادوا أو تتعاملوا مع حسن البنا؟ الآن بتقولوا الإمام البنا، مين اللي خلع عليه الإمام البنا؟