فريد عبد الخالق: كان أيامها طالب في كلية الطب في السنوات الأخيرة، فاستوقفني مع حسن البنا ما استوقفه مع.. بس أنا ما كنتش واخد بالي يعني، لقيته أطلق لحيته زي بعضه فإنما أنا بيكلمني أنا بأتكلم عن فلسفة وبعد النظر كفن دعوة فيما يتعلق بالأمور ومن الأشياء ما يأخذهاش هو لأ الأخذ الساذج، ودي ميزة له، فلما شافه قال له: أيه دا يا سليمان؟ قال له: اللحية سُنة قصدتها، قال له: طب روح البيت احلقها وتعال..

أحمد منصور [مقاطعًا] : حسن البنا قال له روح احلق لحيتك؟

فريد عبد الخالقق: أيوه.. أيوه قال له كده وأنا كنت حتى موجود فيعني هي برضو.. يعني وقفت أنا..

أحمد منصور: ودا برضو الناس كلها بتاخد على الإخوان وحضرتك واحد منهم ومقرب وعضو مكتب إرشاد ولك تاريخك وبدون لحية، وكنتم كثير من الإخوان مش ملتحين، الإخوان لا ينظروا لهذا ودا مظهر من مظاهر السُنة..

فريد عبد الخالق: لأ، بس هو فيه فكرة أنا أتكلم عن الفكرة.. ليه..

أحمد منصور: طيب اتفضل.

فريد عبد الخالق: ليه نصح سليمان وهو طالب في الجامعة وحواليه يعني جيل متعطش للمعرفة وعايز يوصل له رسالة، فقال له.. مما يعني يسهل معه توصيل الفكر إلى الآخر إنك أنت لا تتحيز بشكل معين، لأن هيقولوا لك دا.. دا سني أصله خلاص بينتمي، أخرجك وأخرج نفسه من دائرة الإنصات لك.

أحمد منصور [مقاطعًا] : دا في عملية التصنيف حينما يتكلم في أي شيء.