فريد عبد الخالق: بأدرِّس رياضة بحتة، يعني حسب تخصصي، فكنت بأدِّرس حساب مثلثات وهندسة وكذا وكذا..، ولذلك دا ترك في نفسي نوع كويس خلاني أحب إن أنا زي ما تقول الناحية المنهجية، الناحية التنظيم والربط بين المعلومات يكون واضح، ما يكونش يعني النوازع العاطفية هي السائدة، يعني أحب برضو يعني اجتمعت عندي العقلانية مع العاطفية الطبيعية اللي عندي، فعملوا مزاوجة يعني أنا بأحس إنها من فضل الله عليَّ، فأنا أحب..

أحمد منصور: كنت عايش فين؟

فريد عبد الخالق: أنا كنت عايش في القاهرة.

أحمد منصور: وبتدرِّس في القاهرة؟

فريد عبد الخالق: عايش في القاهرة ولم أكن قد تزوجت بعد.

أحمد منصور: 41؟

فريد عبد الخالق: آه.. فكنت أنا.. الزواج لأ، أيوه..

أحمد منصور: أنا بأكلمك على 41 ولقائك الأول بحسن البنا؟

فريد عبد الخالق: لأ لسه، فأنا لما اتصلت بيه وتابعته في الرحلات، يعني ترك الدلنجات راح لبلد ثانية..

أحمد منصور: مباشرةً؟

فريد عبد الخالق: ثاني ليلة..

أحمد منصور: ثاني بعد هذه المحاضرة مباشرةً مشيت مع حسن البنا خلاص؟

فريد عبد الخالق: آه، رحت معاه، وهو طبعًا استقبلني استقبال، كوني أني رحت تاني يوم.. مش سمعت وخلاص يعني، الشيء الطبيعي هنا أنا شوفت الشيء وحصلَّت فيه..

أحمد منصور: وصلاح شادي؟

فريد عبد الخالق: وأنا وشادي، أنا وصلاح روحنا على طول ثاني ليلة كان البلد ثانية عنده جنب الدلنجات ورحناها، فالراجل يعني حس وكان مرهف الحس، وكان له حضور قلب، وكان له فراسة في معرفة الناس، لذلك هو بيتكلم يعني أنا لا.. لا أنسى اللحظات اللي وقفها وعلى المنصة وعينه في أعيننا كأنما يقول أنا كنت في انتظاركم، الحاجات دي حاجات تعتبر بسيطة، إنما هي ربنا أودع في قلوبنا أشياء إحنا لا نعرف قدرها، يمكن لفتة، يمكن كلمة عارضة تغير حياة أمة وحياة بشر، يمكن.. ويمكن كمان كلام كثير لا يؤثر فينا، فلذلك..