فريد عبد الخالق: هو كان واسع الاطِّلاع، وأنا آنست منه يعني أكثر مما نتصور، يعني مثلًا لما يكلمني هو في السياسة في كلام عابر ويقول لي: إحنا يا فلان ما عندناش كوادر سياسية، يعني مدرك بالضبط هو، وعنده نقد ذاتي، وعارف بالضبط أيه اللي تم وأيه اللي ما تمش، ماهواش، واقترح اقتراح في إن إحنا ممكن الكلام اللي كنت قلته كاقتراح إحنا ممكن يحصل تعاون مع منظمة سياسية في مصر نظيفة وبلا شعبية، وممكن نتعاون دا طريق، والطريق الثاني ممكن نتبع نظام زي نظام (الفيبيانز) في النظام البريطاني كمؤسَّسة كانت في القرن التاسع عشر اللي تحولت بعد كده إلى حزب العمل، فلقيت إن هو يعني كونه يعرف بيدور على أنظمة، دي نظرة يعني ليس فقط مجرد..

أحمد منصور: يعني حسن البنا فكر في لحظة من اللحظات التاريخية في تاريخ الجماعة أن يندمج الإخوان مع أحد الأحزاب السياسية في مصر؟

فريد عبد الخالق: آه، أي نعم، تفكيرًا.

أحمد منصور: هل حدَّد هذا الحزب؟

فريد عبد الخالق: الحزب الوطني.

أحمد منصور: الحزب الوطني.

فريد عبد الخالق: اللي هو كان في.

أحمد منصور: اللي هو امتداد لمصطفى كامل.

فريد عبد الخالق: نعم.

أحمد منصور: الحزب اللي أسسه مصطفى كامل.

فريد عبد الخالق: مصطفى كامل واللي من تبعه فيه من..

أحمد منصور: كان فتحي رضوان.

فريد عبد الخالق: فتحي رضوان، ونور الدين.. نور الدين طراف، والأشخاص يعني..

أحمد منصور: هذا الموضوع تحديدًا كيف عرضه عليكم حسن البنا؟

فريد عبد الخالق: آه، دا عرضه أولًا هو فكر فيه قبل ما يعرضه، وعرضه في مكتب الإرشاد، ولما عرضه..

أحمد منصور [مقاطعًا] : سنة كم تفتكر؟

فريد عبد الخالق: دا الكلام دا حصل بعد الحرب العالمية.

أحمد منصور: يعني نقول 1946؟

فريد عبد الخالق: آه، قول كده تقريبًا.

أحمد منصور: 45.

فريد عبد الخالق: أيوه، 46، لأن بدأ نضج سياسي وبدأ يبقى للدعوة.