فريد عبد الخالق: لسه.. لسه يعني، فهو لما عرض وأبدى وجهة نظره، الحقيقة وصلنا كلنا بقناعة إن إحنا قبلنا تفويضه في الأمر، وإن فعلًا.. وطبعًا الأيام دلت على إنه أصح، لأن إحنا كسبنا كسب فعلي، يعني فيه حاجات كنا بنطلب (...) ماكنش تيجي، كان أيامها مسموح بالخمور حتى في المواسم منعها، كان فيه بيوت الدعارة مرخص لها مُنع، كان فيه أشياء..

أحمد منصور [مقاطعًا] : كل هذا مقابل إن حسن البنا ينسحب من..؟

فريد عبد الخالق: الدعوة.. الدعوة. اعتبرها مقابل.. اعتبرها ثمرة للتفاهم، يعني بس أصلي أصبحت العبارة دي عبارة زي متهمة يعني كلمة صفقة، يعني حتى لو واحد عمل صفقة مع الله، يبقى ناقص إنه يشوهها، يعني صفقة مع الله أنا أتوب عن ذنبي وتقبل الذنب مني، أصبح..

أحمد منصور [مقاطعًا] : ما الذي أعطاه؟ ما الذي أعطاه النحاس لحسن البنا مقابل..؟

فريد عبد الخالق: اللي عطاه أن.. أن ينفذ الكلام دا.

أحمد منصور: ما هو؟

فريد عبد الخالق: اللي هو منع التصريح لبيوت الدعارة، اللي هو كان قائمًا، منع في المحلات كلها في المواسم كرمضان شرب الخمر، احترام، لا.. منع أو كف الأجهزة الأمنية عن التضييق على نشاط الإخوان والإعلان بدعوتهم في المجتمع، وقال له لأ، أنا هأذلل لك العقبات، وحصل فكسب طبعًا إن..

أحمد منصور: كل دا في مقابل إن حسن البنا فقط يسحب ترشيحه..

فريد عبد الخالق: أصل هو..

أحمد منصور: من الانتخابات؟

فريد عبد الخالق: أيوه، لأن هو قال له إنه صريح العبارة إن ترشيحك دا مطلوب مني بصراحة أنا بأقول لك، والمستعمر البريطاني لأسباب أنا يمكن مش قادر أقدرها، لأن أنا لا أرى فيك الخطر دا.