فريد عبد الخالق: بيكون الهيئة التنفيذية، وكمان بأنها هي بتعبر عن ناحية..

أحمد منصور: كيف مكتب الإرشاد يكون حر في اتخاذ قراراته، في النقاش مع المرشد، في رد آراء المرشد، والمرشد هو اللي معين الهيئة التأسيسية اللي بتعين مكتب الإرشاد؟

فريد عبد الخالق: آه، شوف الهيئة التأسيسية حتى لو عيَّنها، أو عيَّن منها من عيَّن المرشد، ما كانش فهمنا لديننا يسمح بأنه يجعل له يد عليَّ، ولا على الحق، كان الحق عندنا أعلى من حسن البنا، وليس لحسن البنا قدسية عندنا، وبنعتبره كأحد الإخوان، أو..

أحمد منصور: إزاي مالوش قدسية، ومرشد الإخوان عمر التلمساني يقول نحن بين.. مثل الميت بين يدي مغسله.

فريد عبد الخالق: ما قاله.. ما قاله ليس، هو حجة عليه وليس حجة على الدعوة.

أحمد منصور: يعني أنت كنت بتواجه حسن البنا، وتقول له لأ أنت غلط؟

فريد عبد الخالق: أيوه.. أيوه يعني كان اللي بينا وبينه، اللي بينا وبينه ما كانش تبعية إطلاقًا كما قد تصوَّر الناس، الحقيقة دا شهادة لله، لأني أنا لو قلت كده أبقى ظلمته.

أحمد منصور: أنت صاحبت حسن البنا في الأسفار كثيرًا.

فريد عبد الخالق: صاحبته في أسفار كثيرة..

أحمد منصور: اضرب لي نموذج بسفرة واحدة أنت سافرت معاه فيها.