فريد عبد الخالق: لا مش ناسي لأ ما باعتبار اللي جاي ها أقول لك ليه ما نسيتهوش قال لي: نام يا فريد على الكنبة دي، وأنا هأنام على الكنبة المقابلة، ونام.. ونمنا وخلاص..خلاص بعد قليل يمكن لا يزيد عن دقائق عشر دقائق، نادى علي بصوت عال قال: يا فريد، أنمت؟، قلت له: لا، قال لي: ولا أنا، أنا عرفت وهو عرف، ليه؟ سرح علينا البق، الذي كان راقدًا في الكنب الخشبي والبتاع.. البتاع الأحمر..

أحمد منصور: الغلالة الحمراء..

فريد عبد الخالق: الغلالة الحمراء زي.. زي صوف هي، البتاع افترسنا، وبدل ما أنا قلت هأروح أنام على السرير وآكل أكلة، خلصت أنا من المقاطف والخشب دخلت في البق، فجت ثالثة الأثافي، فقلت له: قال لي: اسمع هو كان لما يجي مشكلة سريع البحث عن الحل، عملي أنا مش عارف أعمل أيه قدري كده بقى، لكن هو ما سلمش، قال لي لِمَّ لي الكراسي الخزران، قلت له: طب دي عملية بسيطة، قال لي: لمها، لميت الكراسي الخرزان، قال لي حطها خلف خلاف، حطيتها خلف خلاف..

أحمد منصور: أستاذ فريد، اسمح لي هأوقف المشاهدين عند المشهد دا.

فريد عبد الخالق: طيب.

أحمد منصور: وأكمل معاهم الحلقة الجاية، أشكرك شكرًا جزيلًا، كما أشكركم مشاهدينا الكرام على حسن متابعتكم، في الحلقة القادمة -إن شاء الله- نواصل الاستماع إلى شهادة الأستاذ فريد عبد الخالق (مرافق حسن البنا مؤسس جماعة الإخوان المسلمين وعضو الهيئة التأسيسية وعضو مكتب الإرشاد السابق) .

في الختام أنقل لكم تحيات فريق البرنامج، وهذا أحمد منصور يحييكم، والسلام عليكم ورحمة الله وبركاته.