فريد عبد الخالق: هو فيه.. هو فيه نوع من التقدير، ما أنكرش، نوع من التقدير أنا أديك أمثلة، مثلًا ليه.. يعني مثلًا في أثناء الجريدة وأنا كنت مسؤول عنها جت أزمة، الورق مع يهودي وما عندوش ثمن القديم وأصبحنا.. أي واحد يعرف يجيب.. مُنيت بالوقوف عن النشر، فحسن البنا وجد الموقف دا عايز إنقاذ سريع، منير دله يعني موسر أو من أكثرنا يسارًا، وأكثرنا تعلُّقًا بالدعوة وحبًَّا، فاتصل بالبيت ردت عليه زوجته اللي هي بنت العشماوي باشا اللي هي الحاجة آمال رحمة الله عليهم جميعًا..

أحمد منصور: أخت حسن العشماوي..

فريد عبد الخالق: اللي هي أخت حسن العشماوي، شوف الرابطة؟ فدول كلهم يعني روابط شريفة وعائلية طبيعية، فقال لها: أنا عايز منير، قالت له: ليه؟ منير في مجلس الدولة حيث عمله. قال لها: أنا عايزه عشان خاطر فيه ظروف.. قال لها على الظروف.

أحمد منصور: عايز فلوس يعني؟

فريد عبد الخالق: أي نعم، قال لها: دا الجريدة هتتوقف، وأنا عايزه عشان نقدر نشوف إزاي.. أيه اللي نعمله، فهمت طبعًا، هي خريجة حقوق ومثقفة مستنيرة، فعرفت الأزمة، حطت السماعة، خرجت للصاغة، وهي تحمل كل مصاغها وباعته على طول يعني، ما فيش كلام يا دوبك راحت الصاغة وباعت كل ما تملكه من مجوهرات وراحت لحسن البنا، وقالت له: دا باعته منير دله الفلوس دي، لإنقاذ الموقف خلاص، الراجل ما يعرفش أكتر من كده حاجة، هي لما يجي منير من الشغل رجع على البيت، قالت له بكل عفوية وبساطة وبإيمان: آخذني إني أنا اضطريت أتصرف من غير إذنك وعملت كذا وكذا، لأن فيه أزمة، قال لها: نعم الذي عملت وشكر لها، لأن عمل.. فالعلاقة دي خلت فيه تقدير ومحبة، لدرجة إنه كانت في دروس الثلاثاء ويقولوا له أنت يا فضيلة المرشد يعني -ما شاء الله- كل يوم تركب عربية شكل، قال: لأ دا أنا عندي عربيات، واللي بيسوقها كمان مسؤولين في مجلس الدولة..

أحمد منصور [مقاطعًا] : على منير دله و..