فريد عبد الخالق: بيرد على السائل اللي جاي يحرجه..

أحمد منصور: حسن العشماوي.

فريد عبد الخالق: بيرد بطريقة فكهة يعني فإحنا..

أحمد منصور [مقاطعًا] : حسن البنا كان بينكِّت؟ كان..

فريد عبد الخالق: كان مرن ويحب.. يعني.. ولطيف يعني، حلو العشرة، يعني ما كانش متشدد، بالعكس يعني كان حلو.. ويعني زي ما تقول يألف بسهولة، كان بهي الخولي كان أستاذ وداعية، فكان بيدِّي دروس للسيدات في بيت منير دله عند الحاجة آمال العشماوي، كان داعية بيعلم الإسلام، وأنا أيضًا كنت بأدي نفس الدروس باعتباري..

أحمد منصور: وأنت كنت لسه عازب..

فريد عبد الخالق: كنت بأدي آه.

أحمد منصور: كنت لسه عازب وتروح تدي دروس للسيدات؟

فريد عبد الخالق: بس لو سألتني عن وش واحدة منهم ما أعرفوش. دي حقيقة لدرجة إن بعد كده قريبت تزوجت أخت.. تزوجت شقيق زوجتي قالت لي: أنا كنت بأشوفك عند الحاجة آمال، قلت لها: أنا لا أذكرك، فنهايته أنا مش بأدافع عن نفسي.. بس هو كان جو.. عشنا جو ملائكي..

أحمد منصور [مقاطعًا] : خليني أسألك هنا نقطة مهمة عايز.. أنت عايز تكمل حاجة هنا؟.. عايز تكمل حاجة في قضية الدروس في بيت منير دله؟

فريد عبد الخالق: فهي يعني أنا عايز أقول إن هي كان بيتكلم عن التماثيل بهي الخولي ويقول إن التماثيل دي مكروهة، وإن الملائكة لا تدخل بيت فيه تماثيل، ولو أن التشدد دا أنا شخصيًا مش موافق عليه، ويمكن حسن البنا ما يوافقش عليه، لأنه يقول لك التمثال زمان كان يعني في مظنة.. في مظنة..

مدى تساهل أو تشدد حسن البنا في الأحكام الفقهية

أحمد منصور [مقاطعًا] : بيقولوا حسن البنا كان.. كان متساهلًا في قضية الأحكام الفقهية..

فريد عبد الخالق: لأ، كان عنده أفق واسع، وكان يأخذ الأحكام المعللة.

أحمد منصور [مقاطعًا] : إزاي يعني؟

فريد عبد الخالق: يعني الحكمة إنه الحكم له علة، فحيث لا تتوفر علة يبقى الحكم يعني ما كانش..