أحمد منصور [مقاطعًا] : إزاي.. اضرب لي مثل كده كيف كان؟

فريد عبد الخالق: هأضرب مثل، يعني مثلًا عندنا في الإسلام فيه نص اللي فيه سهم توزيعها شرعًا وسهم المؤلفة قلوبهم، من ضمن المجتهدين لما جاء عمر بن الخطاب خليفة، لقى إن ما فيش حد يؤلف قلبه، النهارده خلاص الإسلام عز، ومش محتاجين واحد نؤلف قلبه، فأبطل سهم المؤلفة وهو منصوص عليه، إذن فيه اجتهاد حتى مع النص، لأن الأحكام معلَّلة وزي ما تقول..

أحمد منصور [مقاطعًا] : ودي بتحتاج اجتهاد وأفق واسع.

فريد عبد الخالق: بتحتاج اجتهاد وأفق واسع، ولذلك ديت يعني بيملكها الندرة، أنا يعني.. بيقول لك أنا يعني من اجتهاده الذي يُذكر، أنا لما كنت معاه مرة، معلش أنا هأحود تحويدة، بس..

أحمد منصور [مقاطعًا] : صغيرة ما تحودش تحويدة كبيرة..

فريد عبد الخالق: صغيرة.. صغيرة، أنا كنت معه مع حسين عبد الرازق في بني مزار وفي دعوة مهمة.. دعا..

أحمد منصور [مقاطعًا] : مين حسين عبد الرازق باختصار؟

فريد عبد الخالق: حسين عبد الرازق من يعني علية القوم بتاع آل عبد الرازق مشهورين في بني مزار، له مكانة.

أحمد منصور: اللي هو عيلة علي عبد الرازق وحسين.. والشيخ..