فريد عبد الخالق: أقول لحضرتك حاجة، كلمة يعد لـ 12 ألف من أمثال كذا، دا مطلب مش.. مش عاوز أقول إنه مطلب متكلف، أو مصطنع، دا مطلب طبيعي، وكلمة أنا أقود بكم.. عايز يقول إن.. إن لا يستطيع أحد إنه هو حتى لو توفر له السلاح، إنه يغير به مواقف، لأنه مش مهم السلاح قد الراجل اللي بيحمل السلاح، يعني عايز يقول لنا إحنا محتاجين تربية، انشغلوا بتربية أنفسكم، وتعمير عقولكم بالمفاهيم الصحيحة، وأهِّلوا نفسكم.. قبل ما تفكروا الفكرة ماهيَّاش.. ماهيَّاش فكرة حض على الثورة، هي فكرة تنبيه لأن مسألة..

حقيقة علاقة حسن البنا والمحتل البريطاني

أحمد منصور: سنة 46 كانت سنة مليئة بالأحداث الجسيمة، في سنة 46 طلب السفير البريطاني مقابلة مع حسن البنا، والتقى به، ويقال إنه هذا كان يعني حلقة في سلسلة من حلقات التواصل بين حسن البنا وبين المحتل البريطاني وأن البريطانيين كانوا يدعموه بالمال.

فريد عبد الخالق: أولًا الموقف دا فيه جزء يعني من الحقيقة المتفق عليها الموثقة، بعدين نشوف الحاجة الثانية. هنشوف اللي..

أحمد منصور: إيه هي الحقيقة الموثقة دي؟

فريد عبد الخالق: إنه هو فعلًا أثناء لما تقوم الجريدة بنشاطها الدعوي والسياسي، حصل لقاء رسمي بين رجل السفارة باسم الحكومة البريطانية مع حسن البنا في مكتب حسن البنا نفسه، في المركز العام، وأنا حضرت اللقاء وقال..

أحمد منصور: أنت حضرت اللقاء؟

فريد عبد الخالق: آه.

أحمد منصور: مين تاني حضر اللقاء؟