فريد عبد الخالق: آه.. ولم.. أنا.. صدقني أنا عارف دا، عارف كويس، ولم تتم لأن فيه دعاة حرب وتفرقة وحصل نوع من اللقاء بس مش باللقاء بالمصافحة ولا المجالسة، في يوم أول ما تولى حشد الجوَّالة وحتى هو لبس الجوالة ووقف في عابدين.

أحمد منصور: بالضبط.

فريد عبد الخالق: يحييه.

أحمد منصور: قدام مسجد أبو العباس في إسكندرية.

فريد عبد الخالق: بصرف النظر، حصل التحية فدا إعراب عن إنه هو يستقبله استقبال ولاء وتأييد ودعاء له إنه يوفق، فلما حصل اللي حصل والأمور تغيرت تغيرت المواقف إلى حاربوا الإخوان وعدم رضاءه عن العمل السياسي والدين والدولة ورجع للفكر التاني..

أحمد منصور: إزاي أنت بتقول الأخوان كانوا عاملين نظام مؤسسات، مؤسسات، وحسن البنا يحطك مسؤول عن الجريدة وفيه صحفيين من الإخوان، يعني محترمين صحافة وأنت مش محترف صحافة ويحطك مسؤول عليهم؟

فريد عبد الخالق: هو هل الاستعانة بواحد حتى لو لم يكن مؤَّهل أكاديميًا إنما مؤهل عمليًا إنه.. يبتدي.

أحمد منصور: كنت بتعمل أيه في الجريدة؟

فريد عبد الخالق: يبتدي بالخير..

أحمد منصور: كان دورك أيه؟

فريد عبد الخالق: كان دوري وليه أسبابه، هو قال لكل الموجودين، إن أنا لاحظت مآخذ لي ويمكن لآخرين على الجريدة، إنها كانت تعالج قضايا ينشأ عنها أزمات حادة بلا جدوى، وتوقع الحكومة مع الإخوان بلا مبرر في تناقضات تؤدي إلى التضييق على الدعوة و.. و.. و مصادمات، وإحنا مش عايزين نصفي من غير لزوم، فأنتم كنتم ما بتحسنوش اختيار المواضيع ولا بتحسنوا..

أحمد منصور: يعني كانت الجريدة بتورط الإخوان؟