فريد عبد الخالق: يعني بتخرج عن الخط المرسوم الحاجة الأولى..، الحاجة الثانية: أنا كنت أنا أقرأ.. أقرأ الخبر هنا وأجد نقيضه في الصفحة الثانية، حتى ما فيش ضبط للأخبار ما فيش كنترول على الأخبار نفسها، فأنا أنست في فريد عبد الخالق إن إن أنا أسند إليه العمل دا لضبط العمل دا، وآمل له بأن هو عنده ما يستطيع أن يحقق المطلوب دا، وفعلًا قبلوا، لذلك كان موجود في الاجتماع صالح عشماوي، والسيد محب الدين الخطيب العالم الجليل المعروف..

أحمد منصور: معروف.

فريد عبد الخالق: وآخرين، لذلك أنا وجدت حرج، كيف أنا ولست كما تفضلت أنت لا أنا عندي أكاديمية دراسية صحفية تخصص، ولا أنا مثلًا خبرتي تسمح، فيعني..

أحمد منصور: وبعدين أنت مشغول في خمسين حاجة ثانية.

فريد عبد الخالق: معلش.. معلش.. معلش، بس أنا بأقول لحضرتك ليه؟ عايزين نفهم ليه؟ فهو اجتهد وشاء الله إن همَّ لحسن الحظ بقى تعتبره زي ما تعتبره إن همَّ نفسهم اعترفوا بأيه جدوى هذا التغيير، سواء للإخوان أو ليَّ نفسي شخصيًا، يعني أنا آتاني ويشهد الله محب الدين الخطيب، يقول لي: أنا لأول مرة أشعر إن فيه جريدة اسمها جريدة الإخوان منتظمة وكل ما يصدر عنها فيه رابطة تجمعه، وإن ما فيش متناقضات، لأول مرة.

أحمد منصور: يعني أنت كده كنت بتشرف على فكر الإخوان تقريبًا اللي بيخرج إلى الناس.