أحمد منصور: هو الخلاف ما بين العمل السري، وما بين العمل المعلن. يعني العمل السري له ضوابط وقوانين ونظم، والذي يقبل أن يعمل في العمل السري لابد إنه يلتزم بهذه القوانين والضوابط، وإلا لا فارق بينه وبين العمل المعلن.

فريد عبد الخالق: لأ، صحيح ، أنا أحدهم، وأنا مشيت مانفعتش، وهم كان دربوني شوية برضوا في الصحراء إزاي أمسك البندقية وإزاي أفكها..

أحمد منصور: لكن في الآخر لقوك ما تنفعش.

أحمد منصور: يعني لقيت الحكاية ديت، مش.. مش راكبة معايا.

أحمد منصور: طيب، كيف قُبض عليك؟ والفترة التي قضيتها في السجن؟

فريد عبد الخالق: أنا قُبض عليَّ كان أول مرة طبعًا أعرف كيف يقتحم بيتي الآمن، ضابط..

أحمد منصور: إحنا بنتكلم عن ديسمبر 46.

فريد عبد الخالق: أي نعم، فأنا فوجئت بهذا المسؤول الكبير في وزارة الداخلية، معروف هو كان رئيس القلم السياسي بس أنا ناسي اسمه، نهايته فدخل علي البيت وفتش المكتب وأوراقي، حتى طلع كده ورقة فيها أسماء، بأشتغل.. بأشتغل مع قسم الطلبة و..، وبعضها عليها تعليقات كده..، يعني مثلًا من ضمنهم ورقة واحد مقدم من الطلاب، مشروع بيقول لي مشروع دستور، كويس، اجتهد وأنا عرضه عليَّ وأنا معلق عليه، إنما طبعًا الكلام دا بيُفسر تفسيرات أخرى.

أحمد منصور: طبعًا، عايزين تقلبوا الدولة.

فريد عبد الخالق: لاسيما في ظروف حرجة غير عادية، نهايته أنا.. قبض عليَّ وخد الأوراق ديت، وقال لي تفضل معايا بقى، قلت له حاضر، ورحت أنا معاه أنا وهو في سيارة (لوميزينو) جميلة محترمة..

أحمد منصور: يعني مش box و..

فريد عبد الخالق: مما دل على إن بيقول لي أنا خدتك معايا مخصوص وما سيبتكش للعربيات السودا إياها، نهايته أنا رحت دخلت سجن الأجانب، فوجدت طبعًا سجن يعني كان مضللًا لي.. لأن افتكرت السجون كده..

أحمد منصور: كيف التحقيق.. التحقيق معاك كان شكله أيه؟