فريد عبد الخالق: التحقيق معايا كان تحقيق مهذب، أنا قلت لحضرتك..

أحمد منصور: يعني مافيش كرابيج..

فريد عبد الخالق: لا لا لأ،..

أحمد منصور: ولا فيه صفعة ولا فيه تعليق ولا كلام من دا؟

فريد عبد الخالق: ما كانش فيه أي، لا لا.. لا، الحقيقة يعني، يعني أقصى ما فيه كنت أنا يخلوني .. يدخلوني عند النائب العام وعند أنور حبيب، وواحد اسمه شفيق تاني وكيل.. وكيل نيابة، الاتنين كانوا مساعدين ومعاهم ورقة جاهزة ويسألوني، هو والنائب العام، وأيه الحكاية وأيه صلتك وكذا؟ وأيه الورقة ديت؟ الورقة اللي مكتوبة بالأسماء ديت، والورقة ديت فيها تواريخ وفيها..

أحمد منصور: بلغوك بتهمة معينة؟

فريد عبد الخالق: آه، قالوا لي طبعًا إنك أنت.. عرفت التهمة إني أنا يعني أعطيت أوامر لجريمة استخدام قنابل عيد الميلاد ضد الـ..

أحمد منصور: ضد البريطانيين..

فريد عبد الخالق: نعم، وحصل تحقيق معهم وتحقيق معي، وفي سجن الأجانب بقى يعني أنا كنت يعني خدت أول جرعة من السجون اللي جت بعد كده تعددت لأني تقريبًا زرت يمكن كل سجون القاهرة، من الاستئناف لسجن مصر لسجن بتاع..، فوجدت طبعًا حاجة يعني معقولة..

أحمد منصور: يعني سجن نقول خمس نجوم؟ سجن..

فريد عبد الخالق: آه خمس نجوم، بالنسبة للي شفته بعد كده..

أحمد منصور: أوصف لنا زنزانتك كان شكلها أيه؟

فريد عبد الخالق: بلا.. دوكها بلا نجوم نهائي، مش نجمة واحدة، بلا نجوم..

أحمد منصور: الزنزانة كان شكلها أيه؟

فريد عبد الخالق: الزنزانة أولًا يعني كانت شبابيكها ليست في أعلى السقف، بحيث أنا يعني أُحرم من النور ولا..، لأ كان في متناولي أستطيع إن أنا أرى الشارع، وكان فيه السرير يعني وكان في جنب السرير ترابيزة، وعليها طبق صاج كبير وشفشق مليان ميَّه، و.. يعني حاجة كويسة يعني، وبعدين..

أحمد منصور [مقاطعًا] : سجن الأجانب دا كان موجود في محطة مصر؟

فريد عبد الخالق: نعم؟