فريد عبد الخالق: حرب فلسطين الدافع ليها طبعًا مش محتاج قول، لأنه شعور عام الحقيقة لأن وحدة المنطقة دي على فكرة ليست مما يُعطيه حاكم ولا تُعطيه جماعة هي ليها وجود سياسي...

أحمد منصور [مقاطعًا] : أنا بس أريد أُصَحِّح إن الجمعية العامة أصدرت قرارها بتقسيم فلسطين في 29 نوفمبر سنة 1947 و 18 يناير أصبح قرار التقسيم عملي بس كتصحيح تاريخي مني

فريد عبد الخالق: قرار التقسيم

أحمد منصور: الجمعية العامة اتخذته في 29 نوفمبر 1947 وفي 18 يناير أصبح قرار التقسيم مرفوض 1948 تفضل

فريد عبد الخالق: طبعًا قرار التقسيم، وَوُجِه بصاحب حق يرى إن في واحد عايز يعتدي على حقه بإجلائه من أرضه و بناء مُستعمرات فطبعًا طبيعي جدًا إنه يرفض قرار التقسيم في الأول، ولو أن في ناس بيقولوا ليتنا كنا قبلناه وبدأنا منه كما بدءوا هم ونشتغل على العموم الطريق واحد لأنه هو يعني السياسة التوسعية واللي هي حقيقة ثابتة في تاريخ الصهاينة لم تتغير

أحمد منصور: دُوركم إيه، دَورك كمسؤول للطلبة إيه في ترتيب قضية حرب فلسطين؟

فريد عبد الخالق: والله أنا كنت يعني كأحدهم مش كرئيس ده كأحدهم الشعور بينتابنا كلنا وبينتاب المسلمين كلهم إن إحنا لابد من وقفة أمام هذا العدوان

أحمد منصور [مقاطعًا] : رؤية حسن البنا إيه كانت لهذا الموضوع؟