أحمد منصور [متابعًا] : ودول كانوا بيتصارعوا مع بعض كلا الرجلين وبالتالي صلاح شادي يتكلم بقسوة على النظام الخاص ورجال النظام الخاص يتكلموا بقسوة على صلاح شادي، الباقوري قال إن حسن البنا استدعاه إلى مقر الشبان المسلمين في الوقت اللي كان معظم الإخوان فيه في السجون وكلفه بأن يقود الجماعة من بعده وعمليًا الباقوري كان بيقود الجماعة من بعده وإنتوا في السجون.

فريد عبد الخالق: فترة انتقالية دي.

أحمد منصور: فترة انتقالية.

فريد عبد الخالق: اللي ..

أحمد منصور [مقاطعًا] : طب خليني أرجع للتاريخ.

فريد عبد الخالق [متابعًا] : بس هنا أنا يعني إسمح لي ليس لأحد ودي يعني تعتبر يعني خطأ من أي شخص إنه يزعم أن لنفسه الحق في إن هو يرشح المرشد، مش ممكن دي غلطة يعني يوم ما يعمل كده إحنا .. إن إحنا نعمل مبايعة لواحد بطريق شخصي ده يبقى فقد شرعيته إنما لازم تتم المواصفات الشرعية عشان يحصل مبايعة لأحد بالإمامة أو القيادة.

أحمد منصور: هنا فراغ هائل اللي تركه حسن البنا.

فريد عبد الخالق: نعم؟

أحمد منصور: يبدو الفراغ الذي تركه حسن البنا بعد مقتله هائلًا.