فريد عبد الخالق: هأقول لحضرتك حاجة كمان برده، هو ترك فراغًا لا شك لأنه هو الشخص الذي توطدت العلاقات بينه وبين الأعضاء ولهم تاريخ، فلا شك إن من له مع الآخرين مثل هذه العلاقة بيكون أقدر على فهمه ودوكها كان أقدر على إطاعته لأن فيه ثقة وفيه تجربة تركت رصيد، خليته يعرف هو المتبوع والمتبوع بيعرف اللي يعني التابع ليه يعني حصل، فعندما يعني يحصل هذا بياخد الميزة، دي توفرت في حسن البنا ولو أنه .. لو فرضنا إن الدعوة يعني فقدت حسن البنا لن تموت وكمان لو إن حسن البنا عاش النهارده هيقف عنده أساليب جديدة يعني لإن عايز أقول متطلبات العمل، هو بيتجاوب مع متطلبات العمل وزي ما قلت لحضرتك في الأول وأنت ما خدتش بالك معايا كتير بالقدر الكافي، بقول لحضرتك هو كان عليه يبذر بذور، الراجل يبذر بذور بيبقى حاني ورقيق خايف عليها من الهوا ..

أحمد منصور [مقاطعًا] : أنا مبفكرش بالعقلية دي ..

فريد عبد الخالق [متابعًا] : لأ دي مهمة ولذلك كان حسن الهضيبي بس اللي بعديه بدون تزكية ..

أحمد منصور [مقاطعًا] : يا أستاذ فريد، دي دروس للإخوان تقولوها، أنا قدامي أحداث بناقش أحداث.

فريد عبد الخالق [متابعًا] : أيوه، أنا كما معاك بس اللي حدث ياخذ حظه ..

أحمد منصور [مقاطعًا] : أنا قدامي تواريخ بناقش تواريخ، تواريخ بناقشها إنما دي بذرة ودي شجرة ودي كذا أنا ماليش علاقة بدي ،أنا ليَ علاقة الآن بتجرد أنا بنظر للتاريخ بتجرد ولقيت فيه صراعات قائمة بين الإخوان، لقيت إن حسن البنا مات ولم يترك خليفة، سنتين والإخوان يتصارعون هؤلاء الناس الذين يتحدثون عن الربانية، يتحدثون عن الدعوات، يتحدثون عن الأشياء هذه، يتصارعوا فيما بينهم وأنت قلت الآن إنه لم يكن ما بين المجموعة من يصلح أن يكون مرشدًا حتى جاء حسن الهضيبي، باعتبارك أنت واحد من المجموعة ..