فريد عبد الخالق [مقاطعًا] : لأ بس أنا عايز أَمن على كلامك يعني وأنا معك يعني حضرتك إحنا مش مختلفين، أنا معك في إن أنا عايز التاريخ والوقائع ويعني نستوعبها ويعني ما .. لا نُحلِق لا في مجرد معاني عامة ولا قيم عامة، نتكلم عن الواقع وما تم، هل فيه يعني إنجاز ولا مفيش إنجاز؟ هل هو نجح في إنه يِكَون من يصلحون لكذا ولا لأ؟ هل هو عمل لهذا ولا لم يعمل؟ أنا عايز أشهد من واقع حياتي وإلا هأبقى مسؤول إنه كان معنيًا بإنه يعلم من معه ويِدخلهم في تجارب ويعدهم إعداد كامل بحيث كل واحد منهم يكون ناجح في إنه يحمل الدعوة إذا تُرِكت بدون حد يملأه، يعني أنا عايز أقول ولذلك كل .. يعني لا يُقاس صلاحية أحد إنه يحمل دعوة بأد إيه هو كان يعني موجود في الجماعة من قبل، يعني مدى .. لم يُقاس بكده لأنه قد يكون واحد عاش معاه طول الوقت إنما مفهمش مترباش معندوش استعداد وواحد كان معاه زي مثلًا مش عايز أخش في أسماء أنت بتقولي لأ، يعني واحد مش لازم يكون بالتاريخ ولا بالمصاحبة وقد يكون مصاحب ولم يستوعب ولم يعني لم يستفد ويمكن واحد عنده قدرة بإنه يهضم الفكرة الإسلامية حتى لوحده لدرجة إن هو يبقى زي حسن البنا من غير ما يتعلم منه - واخد بالك- يعني عايز أقول مسألة أد إيه الشخص حَصَّل في عقله وفي قلبه وفي إرادته وفي فكره من صلاحيات فهم وحمل أمانة.

أحمد منصور: كان هناك مجموعة تحيط بحسن البنا.

فريد عبد الخالق: أيوه.

أحمد منصور: منير دَلّه، سيادتك، صالح العشماوي، صالح أبو رقيق وعبد القادر حلمي، كنتوا أنتم المجموعة اللي سبق وقلت كلمة شلة الإمام وبعدين أنت قلت مش عايزين شلة، صح؟

فريد عبد الخالق: أه.