فريد عبد الخالق: بس أنا عايز أقول حاجة أنا عايز أقول أن الذي ثبتت عمليا عندما حصل الانقسام ونجح فيه جمال عبد الناصر نجاح جزئي في المرحلة الأولى اللي هي الضرب من الداخل إن القاعدة كانت أقوى من كده بدليل أنه فشل كانت النتيجة وتحول من الضرب من الداخل إلى الضرب من الخارج ده ليه المنشية.

أحمد منصور: وأنتم قاعدين تتفرجوا مستنيين السكينة تيجي على رقبتكم.

فريد عبد الخالق: والله هو يعني مقدرش أقول مش منتظرين يعني إيه اللي كنت تعمله تعمل حرب يعني نحاربه هو معاه الجيش ينزل الشعب مع الجيش مثلا مهما كانت قوتنا..

أحمد منصور: يا أستاذ فريد، أحمد حمروش في كتابه عن ثورة يوليو حينما استعرض في الجزء الخاص بشخصيات الضباط الأحرار ثبت أن معظم الضباط الأحرار كانت خلفياتهم خلفيات إخوان مسلمين ولما أبعد عبد الناصر كما قال أحمد أبو الفتح الضباط المنتمين في الشرطة والجيش من الإخوان كان عددهم ضخم للغاية وكان هناك انقسام داخل الجيش كان هناك كثير من الضباط على رأسهم خالد محي الدين وغيرهم..

فريد عبد الخالق: كثير.. نعم

أحمد منصور: يطالبون بعودة الضباط للثكنات.

فريد عبد الخالق: فعلا..

موقف الإخوان من مطالب الشعب

أحمد منصور: ما كنش المطلوب الإخوان يمسكوا الحكم أنتم بتقولوا مش عايزين الحكم ما حدش قالكم امسكوا الحكم..

فريد عبد الخالق: صحيح..

أحمد منصور: لكن على الأقل ترجعوا الحكم للشعب.

فريد عبد الخالق: والله إن الحياة إصلاح الدستور والحياة النيابية دي كانت زي قرار رسمي وكُتب فيه وثائق كتبت وانضم عليه أحمد أبو الفتح ونشر في الصحف وناس كثيرة ليس فقط من الإخوان من غير الإخوان وفديين وغير وفديين ركزوا على النقطة باعتبار أن ده كانت أحد يعني المطالب الأساسية اللي صرح بها مجلس الثورة أو أعضاء مجلس الثورة إن العسكر لا يحكمون وأن الأمور تُرد بعد الاستيلاء على الأوضاع دية..