فريد عبد الخالق: ممكن يمشي بس أصل إن كل يعني الاعتبارات الثلاثة برضه يُوضع كل واحد في وزنة يعني إذا وُجِد أكثر من اعتبار أو أكثر من سبب قد يكون لسبب أهميه من الآخر فأنا يعني أؤكد لك مما يقطع به الدليل العملي إن كان القاعدة في جملتها في مجملها كانت تعتمد الفكر اللي هو المحافظة على النظام..

أحمد منصور: الثالث اللي هو المحافظة على المرشد والقيادة.

فريد عبد الخالق: والنظام هو المرشد مش في ذاته المرشد كرمز للقيادة وجِه عن طريق اختيار مشروع وله شرعية فهما بيحافظوا على شرعيته وعلى أسس نظامهم فدي بدليل أن هُمَّا لما عملت المحاولات لضرب الإخوان من الداخل وأنه استطاع أن يستقطب من استقطب ووصل إلى حد أن دخل عليه البعض منزله وتصرف تصرفات فيها رعونة حتى أنكرها حتى بعضهم الذين اشتركوا أنفسهم زي نزع التليفون الكلام بجفاء غير لائق وكلام وأنه يجي يوقع على الاستقالة وسألوه عن لماذا فُصِل الذين فصلوا بقرار من المكتب اللي هم الأربعة المذكورين دول من النظام الخاص المعروفين.

أحمد منصور: أحمد عادل كمال..

فريد عبد الخالق: أحمد عادل كمال و...

أحمد منصور: ذكرنا أسماؤهم.

فريد عبد الخالق: والصباغ وعبد العزيز جلال يعني مجموعة الأربعة دول فسألوه وطبعا تصل الحكاية إلى إنه الرجل يعني..

أحمد منصور: أنا لا أريد أن أعيد شيء إحنا قلناه في حلقات سابقة إحنا تكلمنا في كل ده إحنا دلوقتي عند 26 فبراير.

فريد عبد الخالق: بس أنا عايز أخرج بحاجة واحدة لو سمحت بس.

أحمد منصور: تفضل.

فريد عبد الخالق: ومش هاعيد الكلام مش عايز أعيده من حق المشاهد الكريم أنه يُحتَرم الوقت.

أحمد منصور: إحنا بنعايش المشاهد في الأجواء لأن دي مرحلة حساسة.