محمد داوود عودة: لا، ما هو معروف الأشخاص اللي قاموا فيها، ومن جهة مسؤولة فلسطينية يعني، لا يحق إلنا أن نحقق في الموضوع.
أحمد منصور: أعود بك إلى قراركم بتشكيل منظمة أيلول الأسود، هل حددتم أهداف وعمليات واضحة تقومون بها؟
محمد داوود عودة: كنا حريصين أن نقوم بعمليات ليس في الوطن العربي وإنما في أوروبا ضمن أهداف تتعلق بالإسرائيليين، أو من يساندهم.
أحمد منصور: مَنْ هي الشخصيات التي .. أو كيفية اختيار الأفراد الذين يكونون ضمن خلايا أيلول الأسود؟
محمد داوود عودة: هذا كان يخضع لمقاييس كبيرة..
أحمد منصور: مَنْ كان المسؤول عنها؟
محمد داوود عودة: يعني أنا واحد من المسؤولين أنا وأبو إياد، كنا يعني بيجينا الشخص ندقق فيه أول مرة، وتاني مرة، وتالت مرة، و نختبره، ثم نقرر إنه ينضم لأيلول الأسود في معسكر كنا عاملينه بصيدا نضعه فيه كمان تحت التجربة والتدريب، لأنه العمل الخارجي لم يكن عملًا سهلًا، نحنا كنا بنجابه الموساد اللي بيستطيع إنه.. عنصره يكون بيعرف لغة البلد، وجوازه من نفس البلد، وكل هذا، إحنا ما كان عندنا، عناصرنا كلها لا تعرف لغة أجنبية، وعناصرنا كلها لا تحمل جوازات سفر،كنا نزور لهم جوازات سفر ونزور لهم الفيز.
أحمد منصور: يبدو إنتو كنتم على مستوى عالٍ في التزوير في ذلك الوقت؟
محمد داوود عودة: يعني كان عندنا قسم فيه شاب (فهلوي) تعلم الصنعة هيك بالخبرة، وأفادنا كثير، تزوير..
أحمد منصور [مقاطعًا] : عملية التزوير يعني، لكن غير قضية التزوير ألم تستفيدوا من بعض الدول في أنها تمنحكم جوازات تتحركوا بها؟
محمد داوود عودة: لأ،كان الجوازات اللي بتمنحنا إياها الدول، إحنا ما نقحمها بعمليات حتى لا نسيء لهذه الدول.
أحمد منصور: كان كل الجوازات اللي كان يتحرك بها الفدائيين بالفعل كانت مزورة؟