فهرس الكتاب
محمد داود عودة [مستأنفًا] : لأ.. لأ.. لأ.. لأ هو بيعرف إن أنا ما ممكن أوافق، ما ممكن يعني..
أحمد منصور: كان مين اللي بيشتغل.. كان فيه فلسطينيين بيشتغلوا معاه؟
محمد داود عودة: كان فيه فلسطينين، بعض الفلسطينيين وبعض اللبنانيين كانوا معاه، بأتذكر إنه.. وكان بعض الألمان وبعض الفرنسيين وبعض من أميركا اللاتينية، وكان بيجوا تبعين أميركا اللاتينية يقابلوه، فطبعًا في الجلسات السياسية بينهم حتى لو كنا جالسين لم نفهم شيئًا، كانوا بيتكلموا بالإسبانيولي، بس مثلًا يعزمهم على العشا ويعزمني أنا معهم، فنقعد مرات إنت جنبك واحد على العشا، بتحكي إنت وياه بكلمتين، من وين جاي؟ مثلًا من فنزويلا، كيف الوضع هناك؟ يحكوا، بس هما كان عنده علاقات كبيرة.
أحمد منصور: إلى أي مدى وصلت العلاقة الحميمية أو العلاقة بينك وبينه، الصداقة اللي بينك وبينه؟
محمد داود عودة: والله الصداقة مش كثير حميمة، يعني لأ، ما كناش نلتقي باستمرار يعني، أنا مش دايمًا معاه ولا هو دايمًا معي، بس كنا أصدقاء يعني، وأنا كنت بأوده، وبأشعر أنه ليس مرتزقًا، وإنما مناضل عالمي، يستحق بذلك الوقت احترام الجميع وتقديرهم.
أحمد منصور: كنت تعرف أنه ذهب إلى السودان؟
محمد داود عودة: لأ، اكتشفت أنه ذهب إلى السودان بعدما اعتقل بالسودان.
أحمد منصور: بعدما اعتقل في السودان، لكن تعتقد إنه دخل السودان بشكل رسمي؟
محمد داود عودة: نعم، دخل بموافقة السلطات السودانية.
أحمد منصور: على أنه هو كارلوس؟
محمد داود عودة: على أنه كارلوس، وعلى أنه يساعدهم في بعض الـ..
أحمد منصور [مقاطعًا] : كان يعيش قبلها فين؟
محمد داود عودة [مستأنفًا] : كان بالأردن، قعد فترة يمكن بعلم الأردنيين، أو بدون علمهم بأعرفش، واتزوج بالأردن من فتاة فلسطينية..
أحمد منصور [مقاطعًا] : هاذي كانت المرة الأولى لزواجه؟