أحمد أبو صالح: أيوه، إن كل واحد فيهم يدبر حاله، رحت أنا على الفندق قبل ما يعني أرتاح بالفندق جاني بدر جمعة -الله يرحمه- من حمص، وهذا اللي كان.. العسكري، سألني شو أبو طموح صار معك؟ قلت له هيك.. هيك القصة قال لي رايح أنا أجرِّب أيضًا، راح لعند أمين الحافظ وما وصل لنتيجة، رجع وقال لي ما وصلنا لنتيجة.

أحمد منصور: وصار الانقلاب الصبح.

أحمد أبو صالح: صار انقلاب دمروا بيته وبنته بأظن شذى فقدت عينها، وابنه بشار أيضًا انشلت إيده، لأنه أُصيب..

أحمد منصور: روى القصة كلها في شهادته على العصر، انتهى الانقلاب الآن، قُبض عليكم؟

أحمد أبو صالح: لأ، أنا.. أنا كنت موجود في دمشق، أنا حكيت لك أنا موجود قبل 23 شباط في دمشق..

أحمد منصور: كيف تابعت أحداث الانقلاب، لاسيما إن سليم حاطوم قعد من الصبح لبليل يقاتلوا 14 ساعة كما روى؟

أحمد أبو صالح: اجتمعت أنا بسليم حاطوم قبل ما أرجع لحلب، اجتمعت فيه بفندق متواضع في..

أحمد منصور: بعدما قُبض على أمين الحافظ..

أحمد أبو صالح: بعد.. طبعًا بعد، فقلت له لك أبو زوقان الخطوة الثانية قال لي اتصلوا فيني أصلًا من الجبهة شريف الشاقي وعدد.. عدد من الضباط أيضًا سألوني نفس السؤال، بس يا أبو طموح أنا انتهكت قواتي، فعلًا.

أحمد منصور ]مقاطعًا[: الخطوة الثانية اللي هي صلاح جديد يعني..

أحمد أبو صالح: نعم.

أحمد منصور: اللي هي صلاح جديد.

أحمد أبو صالح: لأ. انهكت قوتي لأنه هو اللي داهم بيت حافظ..

أحمد منصور: الخطوة الثانية صلاح جديد.