طبعًا. قلنا اليهود إنه .. لا، ما كانش فيه اتصال، بس بعدما بيطلع الشباب من عندي اللي كان معايا أو إحنا بنبلغ الزيارات الأهل بالكلام هذا، بالمكشوف إحنا احتجاجا على اغتياله مضربين عن الأكل، مش يعني شيء مخفي، تضامنًا مع إخواننا في سجن كذا إحنا مضربين عن الأكل، هكذا.
أحمد منصور:
تذكر أمور أخرى بارزة تمت في السجن أثناء فترة اعتقالك قمتم بها مثل عملية الإضرابات أو غيرها؟
أحمد ياسين:
كنا نُضرِب عن الفورة، نُضرِب عن الأكل -مثلًا- نُضرِب عن الزيارة يعملوا معانا مشاكل نقول لهم: خلاص ما بدناش نروح، ما عدناش نروح، إحنا بنواجههم يعني أكثر بالبطون الجائعة زي ما قالوا، حربنا معهم بطون جائعة، وهذا كان بيؤثر عليهم يعني، لأن مدير السجن بده السجن يكون هادي يبين أنه راجل ناجح فإذا صار عنده مشاكل وإضرابات، فبيدل أنه فاشل وبده يتغير.
أنا طبعًا كانت يمكن أوضاعي لأن عدد اللي معايا اثنين وأنا -ثلاثة- قليل المواجهة، بس المواجهات في السجون غير .. تصل إلى حد الضرب والتكسير ورش الغاز والإغماء والسجون، يعني حاجة مش قليل في السجون، كثيرًا تحصل هذه...
أحمد منصور [مقاطعًا] :
المواجهات بين السجناء؟
أحمد ياسين:
بين السجناء والسلطة، يحرموهم من الزيارات، يحرموهم من .. يعتقلوهم، ينفوهم من سجن إلى سجن حتى لا يستقر السجين. يوم أكون في السجن هذا بعد شهر والثاني أرحل وين؟ عا (السبع) بعد شهر والثاني يرحل من وين؟ على كفاريونا، بعد شهر والثاني من وين؟ على غزة، بعد .. وين؟ حتى يظل السجين في قلق، مش مرتاح، مش واجد نفسه حتى لا ينفذ برامج التربية والدراسة كمان في .. بيظل الإنسان..