حسين الشافعي: الفنية العسكرية، فجاب لي تسجيل، وفي التسجيل صالح سرية بيحط شهادته، بيقول: أنا استدعاني عميد في المباحث اسمه عبد القادر وقال لي إذا ماكنتش هتشهد في قضية الفنية العسكرية إن حسين الشافعي هو على.. على رأس هذا التنظيم بشعبتيه المدنية والعسكرية وعرى ضهره وورا لهم التعذيب اللي اتعذبه، وقال حينالك ما ينالك إذا كنتش تشهد هذه الشهادة.

وبعدين طلع كشف من الدرج وفيه اسم 12 ضابط من الحرس الجمهوري والأمن المركزي والقوات المسلحة، وبيقول أنا ما أعرفش من الأسماء دي إلا اسم الفريق صادق والفريق سعد الشاذلي وأنا طبعًا أعرف مصيري، ولكن لن ألقى الله بشهادة زور على ناس مالهمش أي علاقة بالموضوع.

أحمد منصور: دا كلام سعد.. صالح سرية.

أحمد منصور: كل دا كلام في شهادة صالح سرية، وبعدين ابتدى المحامي اللي هو عبد الحليم رمضان وهو بيدافع في القضية قال"إن اللي مرتب هذه العملية والمخرج بتاعها هو ممدوح سالم وسيد فهمي، اللي بعديها.."

أحمد منصور [مقاطعًا] : سيد فهمي كان وزير الداخلية.

حسين الشافعي: اللي بعديها دا بقى رئيس وزراء والتاني بقى وزير الداخلية، فلما شعروا بهذا.. كانت القضية بتُعرض تباعًا في الصحف فمنعوا النشر، فابتدت أحداث القضية تُنشر في الجرايد في بيروت مما وضع المحكمة في حرج، فابتدت تستدعي رئيس المخابرات، مدير المخابرات والنائب العام، وزير العدل، ولما سألوامدير المخابرات، قالوا له: إيه مصدر المعلومات دي؟ قال:"المخابرات لا تُسأل عن مصادر معلوماتها"بس هي ديت فـ..

أحمد منصور [مقاطعًا] : إيه قضية المعلومات.. يعني إنك لك صلة بتنظيم الفنية العسكرية.

حسن الشافعي: عايز يقيم إدعاء عليَّ إن أنا على رأس هذا التنظيم.

أحمد منصور: لكن الكلام اللي سعادتك بتقوله الآن من إن الكلام اللي نُقل عن عبد الحليم رمضان من إن ممدوح سالم وسيد فهمي كانا على رأس التمثيلية.

حسين الشافعي: دا أن بأقوله له..