فريد عبد الخالق: آه.. آه، هو كان الفكرة كما سمعتها أنا منه من قبل فكرة بتراوده كمخرج لمأزق أو أزمة اللي هو غشيان الحقل السياسي، ووجود يعني الوفاء بمتطلباته محتاجة إلى كوادر وأصحاب خبرة في الحقل السياسي.
أحمد منصور: أنا عايز يا أستاذي اللي حصل في الحوار أيه؟
فريد عبد الخالق: اللي حصل بالحوار، إن هو فعلًا اقترح على مكتب الإرشاد الفكرة.
أحمد منصور: مين أعضاء مكتب الإرشاد اللي كانوا قاعدين آنذاك؟
فريد عبد الخالق: أعضاء مكتب الإرشاد يعني اللي أذكر منهم يعني الشيخ الباقوري، والأستاذ طارق خشاب، الدكتور كمال خليفة، اللهم صلي على سيدنا محمد، عبد الرحمن.. أخوه عبد الرحمن.
أحمد منصور: عبد الرحمن البنا.
فريد عبد الخالق: عبد الرحمن البنا، عبد الحفيظ السيفي.
أحمد منصور: صالح عشماوي كان فيه؟
فريد عبد الخالق: وصالح عشماوي طبعًا طبيعي لأنه كان وكيل الجماعة..، يعني نخبة من..
أحمد منصور: وأنت كنت عضو مكتب الإرشاد.
فريد عبد الخالق: وعبد الحكيم عابدين.
أحمد منصور: عبد الحكيم عابدين.
فريد عبد الخالق: وعبد الحكيم عابدين، فكان فيه يعني اعتبروا..
أحمد منصور: حسن البنا كان يستشير..
فريد عبد الخالق: وكان.. وكان فيهم حامد أبو النصر اللي بقى مرشد بعد كده.. حامد أبو النصر.
أحمد منصور: نعم، حسن البنا كان يستشير هؤلاء أو كان..
فريد عبد الخالق: كان بيعمل..
أحمد منصور: هو المرشد، وكان افعلوا، نعم.. حاضر.. طيب؟
فريد عبد الخالق: لا.. لا.. لا، مافيش كنا بنناقش الرأي ما له وما عليه، واللي يرجح كفته بنتبعه، فهو كان بيعرض الموضوع للنظر وتبادل الرأي فيه.
أحمد منصور: حينما عرض الموضوع كيف ناقشتموه؟