أحمد منصور: بعد ما خلصتم العشا.
محمد داوود عودة: العشا، وحان الوقت يعني بعد العشاء قعدنا شوية، قدرت أنا إن الساعة واحدة.. واحدة ونص، قلت إذا بدنا ناخد تاكسيات.. تاكسيين تلاتة أربعة، بدها نص ساعة، تنتين، تنتين وربع بأكون وصلت المدينة، فوزعتهم على التاكسيات، وأخذت أنا وواحد منهم تاكسي، وذهبنا للمدينة، ومشينا باتجاه النقطة اللي أنا كنت مقدر إني أقص الشريط منها..
أحمد منصور [مقاطعًا] : أي وقت من الليل أو النهار؟
محمد داوود عودة: يعني يمكن كانت تنتين، تنتين ونص على ما أذكر.
أحمد منصور: ظهرًا أم ليلًا؟
محمد داوود عودة: ليلًا.
أحمد منصور: ليلًا.
محمد داوود عودة: ليلًا، كله مساء هذا الحكي، وليش أخدنا تاكسيات، لأنه مافيش ترام، مافيش أتوبان بيسمونه ما فيه، ولذلك اضطررينا أن نأخذ تاكسيات يعني نضحي، و.. معناها بعد الواحدة ونص بالليل، فوصلنا النقطة اللي لازم نقص الشريط منها، فلمحت أنا..
أحمد منصور [مقاطعًا] : طيب، التاكسي لما طلبت منه إنه يوقفكم في مكان زي..
محمد داوود عودة: بيوقف بالساحة، بعيد عن.. وبعدين إحنا بنمشي
مشي، نمشي تقريبًا حوالي تلت ساعة مشي في شوارع ممنوع فيها
السيارات، يعني ممرات مشاة حول المدينة.
أحمد منصور: آه، طيب كيف تم توزيع المهام على التمانية؟
محمد داوود عودة: التوزيع كان مُعطى كافة التعليمات للتنين، وهم بيوزعوا المهام..
أحمد منصور [مقاطعًا] : أنا عايز أعرف صفات وشخصية الاتنين دول على وجه الخصوص، يعني الآن الشباب الآخرين، أنت قلت ربما يجتمعوا في صفة أساسية هم أنهم رأوا ما حلّ بأهاليهم ولديهم استعداد للموت في سبيل قضيتهم طبعًا بالدرجة الأولى، والأشياء التي رأوها حلت بأهاليهم تدفعهم لهذا، لكن الشخصيتين القياديتين على وجه الخصوص، أرجو أن تعمل لنا بروفيل صغير حوالينهم؟