اخسر لها لو كان تغلى بالاثمان،،،،، لاهابها خطو الصبيّ الهداني
ويقول الشيخ الشاعر عبد الرحمن بن سعود آل سليمان
قم يا نديبي عمّرالنار لي سو،،،،، قم سو فنجال ترا الراس خاوي
وانهض حجاجك للنشاما لياجو،،،،، واحمس ثلاث ولا تشاور دناوي
بمحماسةٍ شبرٍ لهم يوم قاسو،،،،، وموسع صدره عليها الحساوي
ويقول الشاعر إبراهيم بن دحيم الرديعان
يا ما حلى مع طلعة الشمس فنجال،،،،، ليا صار صبابه هو اللي مسويه
ما جيب من عند الخدم شغل عمال،،،،، ولا بات بالترمس وختمت غطاويه
شربك من البن الحمر مثل ما قال،،،،، يداوي عماس الراس والهم يغديه
ويقول الشاعر محمد بن مشعى الدوسري
قم سو فنجالٍ نظيف مقنّد،،،،، في دلةٍ يطرد خوى اللي شربها
فنجالٍ أشقر زعفرانه مجمّد،،،،، برّيّةٍ شريت من اللي جلبها
ويقول الشاعر محمد السديري
يا بجاد شب النار وادن الدلالي،،،،، وأحمس لنا يا بجاد ما يقعد الراس
ودقه بنجر يا ظريف العيالي،،،،، يجذب لنا ربع على اكوار جلاس
وزله الى منه رقد كل سالي،،،،، وخله يفوح وقنن الهيل بقياس
وصبه ومده يا كريم السبالي،،،،، يبعد همومي يوم اشمه بالانفاس
فنجال يغدي ما تصور ببالي،،،،، روابع تضرب به أخماس وأسداس
ويقول الشاعر تركي بن حميد حيث يصف القهوة وصوت النجر
يا ما حلا يا عبيد في وقت الأسحار،،،،، جر الفراش وشب ضو المناره
معدلة تجذا على صالي النار،،،،، ونجر الى حرك تزايد عياره
النجر يطق وجاذب كل مرار،،،،، مالفه الملفوف من دون جاره
في ربعة ماهيب تحجب عن الجار،،،،، لا من ولد اللاش ما شب ناره
ويقول لشاعر دغيم الظلماوي في القهوة
يا كليب شب الناريا كليب شبه،،،،، عليك شبه والحطب لك يجابي
الوالمه يا كليب عجل بصبه،،،،، والرزق عند اللي ينشي السحابي
حنا علينا جيب ماها وحبه،،،،، وعليك تقليط الدلال العذابي
ادغث لها ياكليب من جزل خبه،،،،، وشبه الى منه هبا كل هابي
باغي إلى شبيتها ثم قبه،،،،، تجذب سراة من بعيد غيابي
بنسرية يا كليب صلف مهبه،،،،، متلطمين وسوقهم بالعقابي
صبه لقرم صرفته ما حسبّه،،،،، يوم البخيل مدنهر الوجه هابي
وعده عن اللي ما يداري المسبه،،،،، اللي يدور بالقصي الغيابي
لا جاضع المتروع خطو الجلبه،،،،، يا حلو تالي الليل خبط الركابي