اقحص لهم وابدي سلام المحبه،،،،، لا شح بالهين كبير العلابي
كذلك قول الشاعر: سعد بن حمد بن ضويان في القهوة:
ياحسين لاكني على الجمر مجضوع،،،،، من فقد خلاني وفقدي ربوعي
قم سو فنجالٍ ترى الراس مصدوع،،،،، صفه وزله عن سريب الخموعي
فنجال فيه مخموس الكيف مجموع،،،،، بدلال يشدن الخباس الوقوعي
ونجر دلاله ماو بالصوت مفجوع،،،،، يا زين حسه والخلايق هجوعي
وانجاك بالمجلس سنافي وبالوع،،،،، عده على الطيب وكب البلوعي
وقال الشاعر: عبد الله العلي الحرير يرحمه الله:
قم سو فنجال ونظف أدلاله،،،،، ريحه لراعي الكيف يجلي اعماسه
اشعل ولونه مثل دم الغزاله،،،،، لاذاقه الراقد يحارب انعاسه
في مجلس تدله الى جاء مجاله،،،،، اللي عن اللجات يقصر حساسه
وإلا ترا بعض المجالس عذاله،،،،، لا معشر طيب ولا فيه اناسه
وقال راكان بن حثلين في قصيدة مشهورة:
يا ما حلا الفنجال مع سيحة البال،،،،، في مجلس ما فيه نفس ثقيله
هذا ولد وهذا ولد خال،،،،، وهذا رفيق ما لقينا مثيله
وأخيرا نختتم بهذه الأبيات:
الكيف خله عند من يشترونه،،،،، المشكلة اللي جابها من بلدها
يا حامسين الكيف لا تحرقونه،،،،، حذراء عن الشعله تغير نقدها
حتى يجيك محمر كن لونه،،،،، مجت جراده ظاهرة من جسدها
صبه على اللي ربعته يدهلونه،،،،، له ربعة من راح منها حمدها
وعده عن اللي واقف له بشوته،،،،، يمسي ويصبح عارف لك عددها
ما غير عنده طايرات عيونه،،،،، لا باع شاته جاك حزة وعدها