انتهى سفروت وخرج كعادته يتمشى على شاطئ البحر ليريح نفسه من عناء العمل وليستنشق هواء الليل قبل أن يذهب إلى فراشه فإذا بالقبطي يقتفي أثره ويبادر بحديث الصندوق.
_ لا تؤاخذني يا حضرة. . . . أنا عاوز أكلمك، أنت أولًا أسمك إيه؟
_ خدامك سفروت
_ عاشت الأسامي يا سي سفروت. . . . تعرف ياسي سفروت عبارة الصندوج دي مش نكته جوى جوي برده!
-إياك أنت تكون اهتديت لسرها بنباهتك من ساعة ما سبتك؟
_ لألأ! مش غرضي.
وأدرك سفروت من لهجة محدثه أنه يحاول أن يكتسب صداقته؛ وكانت الليلة مقمرة، فلما نظر رأى عيني القبطي تلمعان بانفعال غريب فحدثته نفسه (ماذا يريد هذا الرجل مني؟) ولكن محدثه قطع عليه تفكيره.
-بجه مش تفتكر أن تخيبة المرة اللي معاك دي يخصر اللعبة بعض شيء؟
-برده يا خواجه لك حق، لكن يعني أمال حخبي مين؟
-ليه ما تخبيش واحد من المتفرجين؟ أهو ده يكون نكته تمام.
وأندهش سفروت من هذا الاقتراح الشاذ وأجاب ساخرًا
-يبقى نكتة أوي إذا كان واحد يرضى يوالس معايه! طبعًا إذا كنت أنت متطوع يبقى كويس. دا حتى ما يبقاش فيه فائدة للصندوق. الزعبوط بتاعك ده كفاية أوي، الزعبوط ده يخبي دستة. ثم ضحك مقهقهًا.
-ما تآخذنيش يامعلم! أنا راجل أحب الهزار.
-ولكن الرجل الغريب الأطوار تجاهل وقاحة الحاوي أو هو لم يسمعه فقد نظر حوله كمن يريد أن يستوثق من عيون رقيب، ثم أدنى فمه من أذن محدثه هامسًا. اسمع! أنا راضي، أنا أتفق وياك. وتلفت حوله في انفعال عصبي ووضع يده في عبه وأخرج منها محفظة نقوده فاخذ ورقة ذات خمسة جنيهات وهو يهمس.
-ما تفتكرشييا سي سفروت أني مجنون، يمكن أطواري تظهر غريبة لك شوية، لكن أنا