آنحضرت رضی اللہ عنہم کی سیرتِ طیبہ میں ان دونوں باتوں کی تفصیل جاننے کے لیے درجِ ذیل روایات ملاحظہ فرمائیے:

ا:امام بخاری نے حضرت ابوقتادہ رضی اللہ عنہ کے حوالے سے روایت نقل کی ہے، (کہ) انہوں نے بیان کیا:

'' سِرْنَا مَعَ النَّبِيِّ صلي اللّٰه عليه وسلم لَیْلَۃً،فَقَالَ بَعْضُ الْقَوْمِ:''لَوْ عَرَّسْتَ بِنَا یَا رَسُوْلَ اللّٰہِ۔صلي اللّٰه عليه وسلم۔!''

''ایک رات ہم رسول اللہ صلی اللہ علیہ وسلم کے ساتھ چل رہے تھے۔بعض لوگوں نے عرض کیا:

''یا رسول اللہ۔صلی اللہ علیہ وسلم۔اگر آپ آرام کے لیے پڑاؤ ڈال دیتے (تو بہتر ہوتا) ۔''

آنحضرت صلی اللہ علیہ وسلم نے فرمایا:

'' أَخَافُ أَنْ تَنَامُوْا عَنِ الصَّلَاۃِ ''۔

''مجھے خدشہ ہے،کہ تم نماز کے وقت سوتے نہ رہ جاؤ۔''

بلال رضی اللہ عنہ نے عرض کیا:'' أَنَا أُوْقِظُکُمْ''۔

''میں آپ کو جگاؤں گا۔''

'' فَاضْطَجَعُوْا ''۔ [1] ، [2]

(فَاضْطَجِعُوْا) کو [صیغہ امر] بھی پڑھا گیا ہے، یعنی آنحضرت صلي الله عليه وسلم نے صحابہ کو لیٹنے کا حکم دیا۔ (ملاحظہ ہو: عمدۃ القاري ۵/ ۸۸) ۔

[2] صحیح البخاري، کتاب مواقیت الصلاۃ، باب الأذان بعد ذہاب الوقت، جزء من رقم الحدیث ۵۹۵، ۴/ ۶۶۔