رابعًا: وهذا موقف لوحده بشهر العسل تقول كنت مسافرة خارج السعودية واشتهيت مطعم عربي الله لا يعيدها المهم لقينا مطعم لبناني ورحنا له وحطوا لنا طبعًا قبل ما نطلب زيتون ومخلل وجا الجرسون واقف فوق روسنا يأخذ الطلبات وزوجي يقول الطلبات وأنا أحاول أصيد الزيتونة بالشوكة مير تطير الزيتونة وتصقع وجه الجرسون وهو يأخذ الطلبات قام قال عنا في لبنان نأكل الزيتون بأيدينا عاد مير اسكت وانثبر قلت غريبة حنا عنا بالسعودية نصيدها بالشوكة ماسكها زوجي علي حتى الآن كل ما شاف زيتون قال هاه بالشوكة وإلا بيدك!

خامسًا: وحدة تقول أنا متزوجة ولد عمي وأول ما تزوجنا رحنا بريطانيا، كان عنده دورة فصارت حج وقضاء حاجة دورة وشهر عسل، المهم تقول مرة دخلنا المطعم، وأخذت القائمة وقعدت أناظر الكلام كله إنجليزي وأنا ما اعرف ولا حرف بالإنجليزي تقول هو اختار والجرسون واقف عند راسي يحتريني اختار قالي زوجي تبين أساعدك الاختيار قلت ليش طايحة من عينك أنا أعرف اختار المهم تقول اخترت طلب محطوط في إطار وحركات قلت أكيد هذا شيء حلو وقلت أبي هذا قال زوجي متأكدة قلت إيه أصلا من زمان اطلبه لما كنت أطلع مع أهلي تقول قالها طيب أبشري وهو يضحك ويوم جابوا الطلب حطوا أمام زوجي مكرونة وحركات وأنا وجبة أطفال.

سادسًا: يقولون فيه وحدة تستحي من زوجها بالمرة تضايق الزوج وكلم خواته يكلمونها وكلم أم زوجته كذلك المهم أزعجوها امزحي مع زوجك أمزحي وألعبي وأضحكي معه قالت ما أقدر المهم طولوا عليه بالكلام وفي مرة من المرات وهي مع زوجها سبقها زوجها بينزل مع الدرج