ب: امام ابن ماجہ نے حضرت عثمان بن ابی العاص ثقفی رضی اللہ عنہ سے روایت نقل کی ہے، کہ انہوں نے بیان کیا:''میں نبی کریم صلی اللہ علیہ وسلم کی خدمت میں حاضر ہوا اور مجھے مہلک درد تھا۔ [1] نبی کریم صلی اللہ علیہ وسلم نے فرمایا:''اپنا دایاں ہاتھ اس [یعنی درد والی جگہ] پر رکھو ، اور سات دفعہ کہو:

[بِسْمِ اللّٰہِ ، أَعُوْذُ بِعِزَّۃِ اللّٰہِ وَقُدْرَتِہِ مِنْ شَرِّ مَا أَجِدُ۔] [2]

میں نے ایسے ہی کہا ، [تو] اللہ تعالیٰ نے مجھے شفا عطا فرما دی۔'' [3]

۹:پھوڑے ختم کرنے والی دعا:

حافظ ابن سنی نے نبی کریم صلی اللہ علیہ وسلم کی بعض ازواج مطہرات رضی اللہ عنہن سے روایت نقل کی ہے ،کہ انہوں نے بیان کیا:

''رسول اللہ صلی اللہ علیہ وسلم میرے ہاں تشریف لائے، تو دریافت فرمایا: ''تمہارے پاس ذریرہ [4] ہے؟'' آنحضرت صلی اللہ علیہ وسلم نے اس [ذریرہ] کو اس [پھوڑے] پر رکھا اور فرمایا:''تم کہو:

[2] [ترجمہ: '' اللہ تعالیٰ کے نام کے ساتھ ،میں اللہ تعالیٰ کی عزت و قدرت کے ساتھ اس شر سے پناہ طلب کرتا ہوں، جسے میں محسوس کر رہا ہوں۔'']

[3] سنن ابن ماجہ ، أبواب الطب ، باب ما عوّذبہ النبي صلي الله عليه وسلم وَ ماعُوِّذبہ ، رقم الحدیث ۳۵۶۷، ۲؍۲۸۱۔ شیخ البانی نے اسے [صحیح] قرار دیا ہے۔ (ملاحظہ ہو: صحیح سنن ابن ماجہ ۲؍۲۶۷) ۔

[4] (ذریرہ) : باچھ ۔ (باچھ کے متعلق تفصیل کے لیے ملاحظہ ہو: ''طب نبوی صلی اللہ علیہ وسلم اور جدید سائنس'' از ڈاکٹر خالد غزنوی ص ۸۷۔۹۱) ۔