أرشيف الكتب الإسلامية
فهرس الكتاب

‹
›
الصفحة 4036 من 6348

1۔ وَ وَهَبْنَا لِدَاؤدَ سُلَيْمٰنَ: داؤد علیہ السلام پر انعامات کا ذکر کرتے ہوئے فرمایا کہ ہم نے انھیں سلیمان جیسا بلند مرتبے والا بیٹا عطا کیا۔ جو ان کی طرح نبی تھا اور ایسا بادشاہ تھا کہ اس کے بعد ایسا بادشاہ نہیں ہوا۔ سلیمان علیہ السلام کے واقعات کے لیے دیکھیے سورۂ انبیاء (۷۸ تا ۸۱) ، نمل (۱۵ تا ۴۴) اور سبا (۱۲) ۔

2۔ نِعْمَ الْعَبْدُ اِنَّهٗ اَوَّابٌ: '' اَوَّابٌ '' آبَ يَؤُوْبُ أَوْبًا (ن) سے مبالغے کا صیغہ ہے، بہت رجوع کرنے والا۔ یعنی وہ اللہ کے بہت اچھے بندے تھے اور اپنے ہر معاملے میں اللہ کی طرف بہت رجوع کرنے والے تھے اور کوئی قدم اپنی خواہش کی بنا پر نہیں اٹھاتے تھے۔ آگے ان کے اللہ تعالیٰ کا اچھا بندہ اور اس کی طرف بہت رجوع کرنے والا ہونے کی مثال کے طور پر ان کے دو واقعات بیان فرمائے ہیں۔

حجم الخط:
شارك الصفحة
فضلًا انتظر تحميل الصوت