أرشيف الكتب الإسلامية
فهرس الكتاب

‹
›
الصفحة 4052 من 6348

اِنَّا اَخْلَصْنٰهُمْ بِخَالِصَةٍ ذِكْرَى الدَّارِ: ان انبیاء میں پائی جانے والی خاص صفت کو پہلے مبہم رکھا کہ ''ہم نے انھیں ایک خاص صفت کے ساتھ چُن لیا'' تاکہ شوق اور تجسّس پیدا ہو کہ وہ خاص صفت کیا ہے، پھر بتایا کہ وہ صفت اصل گھر کی یاد ہے۔ اصل گھر سے مراد آخرت ہے، کیونکہ دنیا گھر نہیں بلکہ گزر گاہ ہے۔ ان انبیاء کا خاص وصف یہ تھا کہ وہ ہر وقت آخرت کو یاد رکھتے تھے اور ہر معاملہ میں اسی کو پیش نظر رکھتے تھے، دنیا کی ہوس کا ان میں کوئی شائبہ نہ تھا اور لوگوں کو بھی وہ ہمیشہ آخرت یاد دلاتے رہتے تھے۔

حجم الخط:
شارك الصفحة
فضلًا انتظر تحميل الصوت