أرشيف الكتب الإسلامية
فهرس الكتاب

‹
›
الصفحة 5486 من 6348

يَوْمَ يَخْرُجُوْنَ مِنَ الْاَجْدَاثِ ....: ''الْاَجْدَاثِ'' ''جَدَثٌ'' (جیم اور دال کے فتح کے ساتھ) کی جمع ہے، قبریں۔ ''سِرَاعًا'' ''سَرِيْعٌ '' کی جمع ہے، دوڑنے والے۔ قیامت کے دن قبروں سے اتنی تیزی سے نکل کر دوڑیں گے جس طرح وہ لوگ تیزی سے دوڑتے ہیں جو نشانہ بازی کے وقت ایک نشان گاڑ لیتے ہیں، پھر تیر چلا کر تیزی سے دوڑتے ہیں، تاکہ جا کر دیکھیں کہ نشانہ درست لگا ہے یا نہیں۔ '' نُصُبٍ '' ان پتھروں کو بھی کہتے ہیں جو عبادت کے لیے نصب کیے جاتے ہیں۔ مشرکین دنیا میں بتوں اور آستانوں کی طرف تیزی سے جایا کرتے تھے۔ قیامت کے دن ایسے ہی قبروں سے نکل کر حشر کے میدان کی طرف تیزی سے دوڑتے ہوئے جائیں گے۔

حجم الخط:
شارك الصفحة
فضلًا انتظر تحميل الصوت