أرشيف الكتب الإسلامية
فهرس الكتاب

‹
›
الصفحة 5308 من 6343

وہی ہے جس نے ہر چیز کے لئے موت اور حیوٰۃ مقرر کی ہے اور تم بنی انسان کو پیدا کیا ہے تاکہ اللہ تم کو جانچے یعیل اظہار کر دے کہ تم میں سے کون اچھے کام کرنے والا ہے مطلب یہ کہ تمہاری زندگی کا مقصد اعمال صالحہ کرنا ہے دگر ہیچ اور وہ اللہ بڑا غالب بڑی بخشش والا ہے پس اگر کوئی انسان اس کی ہدایت کے ماتحت اعمال صالحہ نہیں کرے گا

تو تباہ ہوگا چاہے کتنا ہی معزز اور مؤقر ہو اللہ کی عزت کے سامنے اس کی ایک نہ چلے گی اور اگر کوئی شخص غلطی کے بعد توبہ کرے گا اللہ کی بخشش سے حصہ وافر پائے گا سنو وہی اللہ ہے جس نے سات آسمان تہہ بتہہ پیدا کئے اس کے سوا اور بھی ہزارہا قسم کی مخلوق پیدا کی کیا تم اللہ رحمن کی خلق میں کچھ فتور پاتے ہو جس قانون پر دنیا کو چلایا ہے اس میں کوئی قصور ہوتا ہے سورج چاند ستارے وغیرہ جس نہج پر چلائے ہیں اس میں کبھی کوئی خلل آیا ہے ذرہ اپنی نظر لوٹائو اور دیکھو کیا تمہیں فتور نظر آتا ہے پھر بار بارنظر لوٹاؤ اور دیکھو کہ صنعت الٰہی میں کوئی فتور تم کو دکھائی دیتا ہے ہرگز نہیں جتنا دیکھو گے نظر تمہاری طرف تھکی ماندی مطلب یابی میں ہاری واپس آئے گی

حجم الخط:
شارك الصفحة
فضلًا انتظر تحميل الصوت