أرشيف الكتب الإسلامية
فهرس الكتاب

‹
›
الصفحة 6337 من 6343

اے رسول تیری تعلیم اور ترقی پر اعداء دین تجھ سے حسد کریں گے تو ان کی پیش بندی کرنے کو یوں کہہ کہ میں سفیدہ صبح کے مالک کی پناہ میں آتا ہوں ہر اس چیز کی شر سے جو اس نے پیدا کی ہے کیونکہ دنیا میں کوئی چیز ایسی نہیں جس میں کسی نہ کسی وجہ سے شر نہ ہو کھانا کسار طیب اور لذیذ ہو بعض دفعہ اس سے بھی تکلیف ہوجاتی ہے اولاد کیسی ہی پیاری ہو بسا اوقات اس سے بھی تکلیف پیدا ہوجاتی ہے اس لئے تم ہر چیز کے شر سے پناہ مانگا کرو اور اندھیری رات کے اندھیرے سے جب وہ عام طور پر سب جگہ چھا جاتا ہے کیونکہ اس اندھیرے میں بڑے بڑے موذی جانور نکلا کرتے ہیں اور جھاڑا کرنے کو دھاگوں کی گرہوں میں پھوپھو پھونکنے والی عمال ٹولیوں کے شر سے بھی میں پناہ مانگتا ہوں کہ ان کا اثر مجھ تک نہ پہنچے اور حاسد کے حسد سے جب وہ میرے حق میں حسد کرے اس کی شرارت سے بھی پناہ مانگتا ہوں یعنی میں بڑی عاجزی سے دعا کرتا ہوں کہ اللہ میرے حاسد کو توبہ کی توفیق دیے اور مجھے اس کے مکرو خدع سے محفوظ رکھے۔

اللھم اعذنا من الحاسدین

حجم الخط:
شارك الصفحة
فضلًا انتظر تحميل الصوت