أرشيف الكتب الإسلامية
فهرس الكتاب

‹
›
الصفحة 2586 من 6348

84۔ 1 قرآن مجید میں حضرت ایوب (علیہ السلام) کو صابر کہا گیا ہے، (ۭاِنَّا وَجَدْنٰہُ صَابِرًا ۭ نِعْمَ الْعَبْدُ ۭ اِنَّہٗٓ اَوَّابٌ) 38۔ ص:44) اس کا مطلب یہ ہے کہ انھیں سخت آزمائشوں میں ڈالا گیا جن میں انہوں نے صبر شکر کا دامن ہاتھ سے نہیں چھوڑا۔ یہ آزمائش اور تکلیفیں کیا تھیں، اس کی مستند تفصیل تو نہیں ملتی، تاہم قرآن کے انداز بیان سے معلوم ہوتا ہے کہ اللہ تعالیٰ نے انھیں مال و دولت دنیا اور اولاد وغیرہ سے نوازا ہوا تھا، بطور آزمائش اللہ تعالیٰ نے ان سے یہ سب نعمتیں چھین لیں، حتٰی کہ جسمانی صحت سے بھی محروم اور بیماریوں میں گھر کر رہ گئے۔ بالآخر کہا جاتا ہے کہ 8 ا سال کی آزمائشوں کے بعد بارگاہ الٰہی میں دعا کی، اللہ نے دعا قبول فرمائی اور صحت کے ساتھ مال و اولاد، پہلے سے دوگنا عطا فرمائے۔ اس کی کچھ تفصیل صحیح ابن حبان (رض) کی ایک روایت میں ملتی ہے، جس کا اظہار حضرت ایوب (علیہ السلام) نے کبھی نہیں کیا۔ البتہ دعا صبر کے منافی نہیں ہے۔ اسی لئے اللہ تعالیٰ نے اس کے لئے ' ہم نے قبول کرلی 'کے الفاظ استعمال فرمائے۔

حجم الخط:
شارك الصفحة
فضلًا انتظر تحميل الصوت