أرشيف الكتب الإسلامية
فهرس الكتاب

‹
›
الصفحة 1471 من 6343

یہاں آیت (99) میں بھی اسی حقیقت کی طرف اشارہ کیا ہے اور غور کرو، کتنے مختصر لفظوں میں کتنی عظیم الشان بات کہہ دی ہے ؟ فرمایا فکر و استعداد کا اختلاف یہاں ناگزیر ہے اور ایمان کوئی ایسی چیز نہیں کہ زور زبردستی سے کسی کے اندر ٹھونس دی جائے۔ یہ تو اسی کے اندر پیدا ہوگا جس میں فہم و قبول کی استعداد ہے۔ پھر اگر تم پر یہ بات شاق گزر رہی ہے کہ کیوں لوگ مان نہیں لیتے تو کیا تم لوگوں پر جبر کرو گے کہ نہیں، تمہیں ضرور مان ہی لینا چاہیے؟

اس آیت سے یہ حقیقت بھی واضح ہوگئی کہ قرآن کے نزدیک دین و ایمان کا معاملہ ایک ایسا معاملہ ہے جس میں جبر و اکراہ کا تصور بھی نہیں کیا جاسکتا، کیونکہ جبر و اکراہ کی صورت کا ذکر ان ہونی اور ناکردنی بات کی طرح کیا گیا ہے۔ سورۃ بقرہ کی آیت (256) اس بارے میں قرآن کا مقررہ قانو ہے کہ (لا اکراہ فی الدین)

حجم الخط:
شارك الصفحة
فضلًا انتظر تحميل الصوت