باب: اللہ پاک کا سورۃ ص میں فرمانا' ہمارے زوردار بندے داؤد کا ذکر کر' وہ خدا کی طرف رجوع ہونے والا تھا ۔
3421 حَدَّثَنَا مُحَمَّدٌ حَدَّثَنَا سَهْلُ بْنُ يُوسُفَ قَالَ سَمِعْتُ الْعَوَّامَ عَنْ مُجَاهِدٍ قَالَ قُلْتُ لِابْنِ عَبَّاسٍ أَنَسْجُدُ فِي ص فَقَرَأَ وَمِنْ ذُرِّيَّتِهِ دَاوُدَ وَسُلَيْمَانَ حَتَّى أَتَى فَبِهُدَاهُمُ اقْتَدِهْ فَقَالَ ابْنُ عَبَّاسٍ رَضِيَ اللَّهُ عَنْهُمَا نَبِيُّكُمْ صَلَّى اللَّهُ عَلَيْهِ وَسَلَّمَ مِمَّنْ أُمِرَ أَنْ يَقْتَدِيَ بِهِمْ
ہم سے محمدبن سلام نےبیان کیا،ہم سے سہل بن یوسف نےبیان کیا،کہا کہ میں نے عوام سےسنا،ان سے مجاہد نےبیان کیاکہ میں نےحضر ت ابن عباس ؓ نے پوچھا، کیا میں سورۂ ص میں سجدہ کیاکروں ؟ توانہوں نے آیت (ومن ذریتہ داؤد سلیمان ) ،، کی تلاوت کی '' ( فبھداھم اقتداہ) ،، تک ۔نیز انہوں نے کہاکہ تمہارے نبی ﷺ ان لوگوں میں سے تھے جنہیں انبیاء علہم السلام کی اقتداء کاحکم تھا۔
حضرت امام بخاری نےاس حدیث کوکتاب التفسیر میں بھی نکالا ہے۔اس میں یہ ہےکہ آپ نےسورۂ ص میں سجدہ کیا۔ ہمارے رسول کریم ﷺ کوجواگلے رسولوں کی اقتداء کرنے کاحکم ہوا ، اس کامطلب یہ ہے کہ عقائد واصول سب پیغمبروں کےایک ہیں گوفروعات میں کسی قدر اختلاف ہے۔