اللہ تعالیٰ فرمائے گا کہ جو فرقے تم سے پہلے گزر چکے ہیں (1) جنات میں سے بھی اور آدمیوں میں سے بھی ان کے ساتھ تم بھی دوزخ میں جاؤ۔ جس وقت بھی کوئی جماعت داخل ہوگی اپنی دوسری جماعت کو لعنت کرے گی (2) یہاں تک کہ جب اس میں سب جمع ہوجائیں گے (3) تو پچھلے لوگ پہلے لوگوں کی نسبت کہیں گے (3) کہ ہمارے پروردگار ہم کو ان لوگوں نے گمراہ کیا تھا سو ان کو دوزخ کا عذاب دوگنا دے۔ (4) اللہ تعالیٰ فرمائے گا کہ سب ہی کا دوگنا ہے (5) لیکن تم کو خبر نہیں۔